ആനന്ദ് ശ്രീബാല ഒരു പോലീസ് സ്റ്റോറി

ഹോളിവുഡ്ഡിൽ എഞ്ചിനീയറിംഗ് കോഴ്സിന് ചേർന്നു പഠിക്കുമ്പോഴും വിഷ്ണുവിന്റെ മനസ്സ് നിറയെ സിനിമയായിരുന്നു.

- ജി. കൃഷ്ണൻ 

പഠനം പൂർത്തിയാക്കി തിരിച്ചുവരുമ്പോൾ അച്ഛൻ വിനയനോടൊപ്പം കൂടി. അച്ഛന്റെയൊപ്പം അസിസ്റ്റന്റ് ഡയറക്ടറായി പ്രവർത്തിച്ചിരുന്നു. പിന്നെ പ്രൊഡക്ഷന്റെ കാര്യങ്ങൾ.. ഡിസ്ട്രിബ്യൂഷന്റെ കാര്യങ്ങൾ... ഇങ്ങനെ സിനിമയുമായി ബന്ധ പ്പെട്ട പല മേഖലകളിലും അച്ഛനെ സഹായിക്കുകയും ഒപ്പം സിനിമ പഠിക്കുകയും ചെയ്തുവന്നയാളാണ് വിഷ്ണു.

ഇതിനിടയിൽ ഒരു സിനിമയിൽ നായകനായി  വിഷ്ണു അഭിനയിക്കുകയും ചെയ്തു. അച്ഛൻ സംവിധാനം ചെയ്ത "പത്തൊൻപതാം നൂറ്റാണ്ട് എന്ന ചിത്രത്തിലും ഒരു ചെറിയ വേഷത്തിൽ അഭിനയിച്ചു. പക്ഷേ, വിഷ്ണുവിന് അഭിനയമായിരുന്നില്ല ലക്ഷ്യം. അച്ഛനെപ്പോലെ ഒരു സംവിധായകനാകുക എന്നതായിരുന്നു ലക്ഷ്യവും ആഗ്രഹവും.

അതിപ്പോൾ വിഷ്ണുവിന്റെ അരികിലേക്ക് വന്നുചേരുകയായിരുന്നു. 19-ാം നൂറ്റാണ്ടിൽ അച്ഛനോടൊപ്പം അസിസ്റ്റന്റ് ഡയറക്ടറായി നിന്നതുമൊക്കെ നിർമ്മാതാവ് ആന്റോ ജോസഫിന് അറിയാമായിരുന്നതു കൊണ്ട് അദ്ദേഹം ഒരിക്കൽ അഭിലാഷ് പിള്ളയുടെ കയ്യിൽ രണ്ടു മൂന്ന് സബ്ജക്ടുണ്ട്, അതൊന്നു ഇഷ്ടപ്പെടുകയാണെങ്കിൽ കേട്ടിട്ട് നമുക്ക് ചെയ്യാമെന്ന് പറഞ്ഞിരുന്നു.

ഇപ്പോൾ "ആനന്ദ് ശ്രീബാല എന്ന സിനിമ സംവിധാനം ചെയ്തുകൊണ്ടിരിക്കുന്ന വിഷ്ണു സംവിധായകനായി അരങ്ങേറ്റം കുറിച്ച സാഹചര്യത്തെക്കുറിച്ചും ആ നിമിഷങ്ങളെക്കുറിച്ചും പ്രതിപാദിക്കുകയായിരുന്ന വിഷ്ണു തുടർന്നു.