അച്ചന്റെ വഴിയേ പ്രതിഭ പ്രതാപചന്ദ്രൻ

മലയാള സിനിമയിൽ നിരവധി വില്ലൻ കഥാപാത്രങ്ങൾക്ക് വേഷ പ്പകർച്ച നൽകിയ ഒരു നടനാണ് പ്രതാപചന്ദ്രൻ.

- ജി. കൃഷ്ണൻ

സൗമ്യനും നല്ല ചിരിയുടെ ഉടമയുമായിരുന്നു പ്രതാപചന്ദ്രനെങ്കിലും വില്ലൻ കഥാപാത്രങ്ങളുടെ പ്രതാപവും പ്രൗഢിയുമായി അദ്ദേഹം മലയാള സിനിമയിൽ കുറെകാലം വാണിരുന്നു. ഇന്നിപ്പോൾ അദ്ദേഹത്തിന്റെ മകൾ പ്രതിഭ പ്രതാപ് മലയാള സിനിമയിലേക്ക് വന്നിട്ടുണ്ട്. അടൂരിലും പരിസരങ്ങളിലുമായി ചിത്രീകരണം നടക്കുന്ന 'കിറ്റ് ക്യാറ്റാ'ണ് പ്രതിഭയുടെ പ്രഥമ സിനിമ. തമിഴ്നടൻ അർജുനൊപ്പം ഒരു തമിഴ് സിനിമയിലും അഭിനയിച്ചു കഴിഞ്ഞിരിക്കുന്നു. "എന്നും എനിക്കൊപ്പം' എന്നൊരു ഷോർട്ട് ഫിലിമിൽ ഈയടുത്ത് അഭിനയിച്ചു കൊണ്ടായിരുന്നു പ്രതിഭ ക്യാമറയ്ക്ക് മുന്നിലേക്ക് എത്തിയത്. പ്രതാപചന്ദ്രൻ മലയാള സിനിമയിൽ സജീവമായി നിൽക്കുന്ന കാലത്ത് പ്രതിഭയ്ക്കും സിനിമ മോഹങ്ങളുണ്ടായിരുന്നു. എന്നാൽ, ആ സമയത്തൊന്നും പ്രതിഭയെ സിനിമയിലേയ്ക്കടുപ്പിക്കാൻ പ്രതാപചന്ദ്രൻ താൽപര്യം കാണിച്ചിരുന്നില്ല.

ഇപ്പോൾ സിനിമയിൽ അഭിനയിച്ചു തുടങ്ങിയ പ്രതിഭ പ്രതാപചന്ദ്രനോട് ഏതാനും ചോദ്യങ്ങൾ

അഭിനയിക്കാനുള്ള ഇഷ്ടം പണ്ടേ ഉണ്ടായിരുന്നു അല്ലെ...? “അതെ. അഭിനയിക്കാനുള്ള താല്പര്യം ചെറുപ്പകാലം മുതലെ ഉണ്ടായിരുന്നു. പക്ഷേ അന്നൊന്നും നടന്നില്ല... ഇപ്പോഴാണ് നടക്കുന്നത്.

സ്കൂൾ കോളേജ് കാലഘട്ടത്തിൽ സ്റ്റേജ്പെർഫോമൻസ് ഉണ്ടായിരുന്നോ?