പുതുമയുടെ ദാവീദ്

ആന്റണി പെപ്പയുടെ ആഷിഖ് അബുവിന്റെ ഹീറോയിസം ഈ ചിത്രം നൽകുന്ന മറ്റൊരു പുതുമയായിരിക്കും

- ജി. കൃഷ്ണൻ

കോഴിക്കോട് പൂളാടിക്കുന്ന് എന്ന ദേശത്തിന് ഒരു പ്രത്യേകതയുണ്ട്. കേരളത്തിന്റെ ബോക്സിംഗ് ഗ്രാമമെന്നാണ് ഈ നാട് അറിയപ്പെടുന്നത്. അവിടുത്തെ സ്ത്രീകളും കുട്ടികളും വരെ ബോക്സിംഗിൽ പരിശീലനം നേടിയവരാണ്.

പൂളാടിക്കുന്നിൽ പുത്തലത്ത് രാഘവൻ എന്നൊരാളുണ്ടായിരുന്നു. ഇദ്ദേഹം ഇവിടുത്തെ അറിയപ്പെടുന്ന ഒരു ബോക്സിംഗ് കോച്ചായിരുന്നു. ഇന്ന് അദ്ദേഹം ജീവിച്ചിരിപ്പില്ല. ബോക്സിംഗിൽ താൽപ്പര്യമുള്ള കേരളത്തിലെ മലയാളികൾക്കെല്ലാം ഇദ്ദേഹത്തെ അടുത്തറിയാമായിരുന്നു.

പുത്തലത്ത് രാഘവൻ എന്നയാൾ ഒരു കഥാപാത്രമായി വരുന്ന ഒരു സിനിമ പുറത്തിറങ്ങാൻ പോകുന്നു. "ദാവീദ് എന്ന് പേരിട്ടിരിക്കുന്ന ഈ സിനിമ സംവിധാനം ചെയ്യുന്നത് പുതുമുഖ സംവിധായകനായ ഗോവിന്ദ് വിഷ്ണുവാണ്.

പൂളാടിക്കുന്നിലെ പുത്തലത്ത് രാഘവൻ "ദാവീദ് സിനിമയിൽ ഒരു ശ്രദ്ധേയമായ കഥാപാത്രമായി വരുന്നതു കൊണ്ടുതന്നെ അദ്ദേഹത്തിന്റെ കുടുംബത്തിൽ നിന്നും റൈറ്റ്സ് വാങ്ങിയാണ് ഈ സിനിമ ചെയ്യുന്നതെന്ന് സംവിധായകൻ ഗോവിന്ദ് വിഷ്ണു പറഞ്ഞു. ഒരു സെമി ബയോപിക് സിനിമയെന്നും ദാവീദിനെ വിശേഷിപ്പിക്കാം. വിജയരാഘവനാണ് പുത്തലത്ത് രാഘവനായി അഭിനയിക്കുന്നത്.

ബോക്സർ ആഷിഖ് അബുവായി ആന്റണി പെപ്പ ബോക്സിംഗ് പശ്ചാത്തലത്തിൽ പറയുന്ന ഈ സിനിമയിൽ ഹീറോയിസത്തിന് വളരെ പ്രാധാന്യമുണ്ട്. ആഷിഖ് അബു എന്നാണ് ഈ സിനിമയിലെ നായകന്റെ പേര്. ആന്റണി പെപ്പയാണ് ആഷിഖ് അബുവായി അഭിനയിക്കുന്നത്. ആന്റണി ഇതുവരെ ചെയ്തിട്ടുള്ള കഥാപാത്രങ്ങളിൽ നിന്നെല്ലാം വളരെ വ്യത്യസ്തമായ ഒരു വേഷമാണിത്.