મારથી દલિત વિધાર્થીનું મોત શરમજનક જાતિવાદ

એક શિક્ષકે સ્કૂલની બાકી ફીના લીધે માર મારીને બાળકને મારી નાખ્યો, ‘એક શિક્ષિકાએ બાળકના મોંમાં દંડો ઘુસાડીને તેને અધમૂઓ કરી દીધો..' આપણી આસપાસ આવી ઘણી બધી ઘટના અવારનવાર બની રહી છે.

- મદન કોથુનિયાં

રાજસ્થાનથી એક હચમચાવી નાખે તેવા સમાચાર આવ્યા છે. ત્યાંના જાલોર જિલ્લાના સાયલા તાલુકાના ગામ સુરાણામાં સરસ્વતી વિદ્યામંદિર સ્કૂલમાં ત્રીજા ધોરણમાં ભણતો ઈન્દ્રકુમાર મેઘવાલ નામનો એક દલિત વિદ્યાર્થી ભારતના જાતિવાદ પર બલિ ચઢી ગયો.

ઈન્દ્રકુમાર મેઘવાલને પાણી પીવાના માટલાનો સ્પર્શ કરવા પર ખૂબ નિર્દયતાથી માર મારવામાં આવ્યો હતો. આ ઘટના ૨૦ જુલાઈ, ૨૦૨૨ ના રોજ બની હતી. લગભગ ૨૫ દિવસની સારવાર પછી આ બાળકનું અમદાવાદમાં મૃત્યુ થયું હતું. ઘટના પછી આરોપી શિક્ષક છેલસિંહ ભૌમિયાની ધરપકડ કરી લેવામાં આવી હતી.

આ જ રીતે એક શિક્ષકે સ્કૂલની બાકી ફીના લીધે માર મારીને બાળકને મારી નાખ્યો, ‘એક શિક્ષિકાએ બાળકના મોંમાં દંડો ઘુસાડીને તેને અધમૂઓ કરી દીધો..' આપણી આસપાસ આવી ઘણી બધી ઘટના અવારનવાર બની રહી છે.

પરંતુ દુખ અને શરમની વાત એ છે કે આપણો દેશ દાયકાથી જાતિ અને લિંગભેદ આધારિત હિંસાને સહન કરી રહ્યો છે અને લોકો જાતિ અને ધર્મના ખોટા ગુણગાન ગાઈ રહ્યા છે.

ઈન્દ્રકુમાર મેઘવાલની હત્યા પર ન્યાય રહેલા લોકો પર ફરીથી માગી અત્યાચારની લાકડી વરસી અને બીજા કેટલાક દલિતના લોહી પણ વહેવડાવવામાં આવ્યા. માર્યા ગયેલા વિદ્યાર્થીના શોકમાં ડૂબેલા પરિવારજનોને પણ લાકડીનો શિકાર બનવું પડ્યું.

સિસ્ટમ એટલી અસંવેદનશીલ બની ગઈ છે કે સત્તારૂઢ કોંગ્રેસ સરકારના ધારાસભ્ય પાનાચંદ મેઘવાલે પોતાના ધારાસભ્ય પદ પરથી રાજીનામું આપવું ઉચિત સમજ્યું.

આરોપી શિક્ષક છૈલસિંહ ભૌમિયા રાજપૂત સમુદાય સાથે સંબંધ ધરાવે છે. તે પોતાના એક ભાગીદાર સાથે આ સ્કૂલનો સંચાલક અને હેડમાસ્તર પણ હતો. ગામ સુરાણાના આ સરસ્વતી વિદ્યામંદિરમાં બધી જાતિના કુલ મળીને ૩૫૦ વિદ્યાર્થી ભણી રહ્યા હતા. આ ગામ ભૌમિયા રાજપૂત સમુદાયની બહુમતી ધરાવતું ગામ છે, પરંતુ સ્કૂલમાં દલિત વિદ્યાર્થીઓની સાથેસાથે દલિત અને આદિવાસી શિક્ષકની પણ નિમણૂક કરવામાં આવી છે. વળી, આ સ્કૂલમાં એક પાર્ટનર જીનગર છે, જે દલિત સમુદાયનો છે.