టీ అమ్మండి కోటీశ్వరులు అవ్వండి

అవును టీ అమ్మి కూడా కోటీశ్వరులు కావచ్చు. ఇది వింటే మీరు తప్పకుండా ఆశ్చర్యపోతారు.

అవును టీ అమ్మి కూడా కోటీశ్వరులు కావచ్చు. ఇది వింటే మీరు తప్పకుండా ఆశ్చర్యపోతారు. కానీ నిజం ఏమిటంటే, టీ తయారుచేసీ, అమ్మే వ్యాపారం ఎంతో లాభదాయకంగా ఉంటుంది. ఇది మేము చెప్పడం లేదు. పట్నా ఉమెన్స్ కాలేజ్ ముందు టీ అమ్మే గ్రాడ్యుయేట్ చాయ్ వాలీ' ప్రియాంక గుప్తా చెబుతోంది.

ఒక ఇంటర్వ్యూలో ప్రియాంక గుప్తా మాట్లాడుతూ నేను ప్రతి రోజు 3,000 ల నుంచి 5,000 రూపాయల వరకు సంపాదిస్తున్నాను. ఈ రకంగా నెలకి ఒకటి నుంచి ఒకటిన్నర లక్షల రూపాయలు సంపాదిస్తున్నాను. కొన్నేళ్లలో నేను కోటీశ్వరాలుగా మారబోతున్నాను.

ఉద్యోగం చేస్తే 40-50 వేల రూపాయల కంటే ఎక్కువగా సంపాదించే దాన్ని కాదు. కానీ ఈ వ్యాపారంలో నాకు ఉద్యోగం కంటే ఎక్కువ ఆదాయం వస్తోంది' అని చెప్పింది.

ఈ రోజుల్లో డిగ్రీలాంటి ఉన్నత చదువులు చదివిన వారు కూడా టీ తయారుచేసి అమ్మే వ్యాపారానికి వెనుకాడకపోవడానికి కారణం బహుశా ఇదే కావచ్చు. కొందరు తమ డిగ్రీలను దుకాణం పైన లేదా ముందు అందమైన బ్యానర్లో చూపించి ప్రజలను తమవైపు ఆకర్షించే ప్రయత్నం చేస్తున్నారు.

దేశవ్యాప్తంగా నిరుద్యోగుల సంఖ్య పెరుగుతున్న పరిస్థితుల్లో యువత స్వయం ఉపాధి గురించి ఆలోచించడం చాలా ముఖ్యం. ప్రజలు ఇంకా ఇతరుల మాదిరిగానే కేవలం ఉద్యోగాల కోసం పరుగులు తీయడం మొదలు పెడితే నిరుద్యోగుల సంఖ్య మరింత పెరుగుతుంది. ఉద్యోగాల భర్తీని ప్రభుత్వం దాదాపుగా నిలిపి వేసింది.

ప్రభుత్వం ఎన్నికల సమయంలో 20 లక్షల మందికి ఉపాధి కల్పిస్తా మని చెబుతుంటుంది. కానీ ఎన్నికలు జరిగాక ఉద్యోగాలు ఇస్తామన్న మాట కేవలం నీటి మీది రాతగానే మిగిలిపోతుంది. బీహార్ లోని పూర్ణియా జిల్లాకు చెందిన ప్రియాంక గుప్తా ఎకనామిక్స్ గ్రాడ్యుయేషన్ చేసింది. ఆమె పట్నా ఉమెన్స్ కాలేజ్ ముందు టీ బండి పెట్టి ‘ఏ పని కూడా చిన్నది, పెద్దది కాదని' యువతకు ఒక సందేశమిచ్చే ప్రయత్నం చేస్తోంది.

ప్రియాంక గుప్తా రెండు సంవత్సరాలుగా బ్యాంక్ ఉద్యోగం కోసం ప్రయత్నించినప్పటికీ ఆమె విజయం సాధించలేదు. ఉద్యోగం దొరక్కపోవడంతో ఆమె నిరాశపడింది.