రాజకీయ నిర్లక్ష్యానికి గురైన ముస్లింలు

ప్రస్తుతం రాజస్థాన్లో కాంగ్రెస్ అశోక్ గెహ్లాట్ ప్రభుత్వం ఉంది. అయితే కాంగ్రెస్ అసెంబ్లీ ఎన్నికల్లో ఓడిపోతూ గెలిచిందన్నది కూడా ఒక వాస్తవం.

- మదన్ కోథునియా

వాస్తవం: ప్రస్తుతం రాజస్థాన్లో కాంగ్రెస్ అశోక్ గెహ్లాట్ ప్రభుత్వం ఉంది. అయితే కాంగ్రెస్ అసెంబ్లీ ఎన్నికల్లో ఓడిపోతూ గెలిచిందన్నది కూడా ఒక వాస్తవం. ఎన్నికల్లో 200 స్థానాలకుగాను కాంగ్రెస్కి 99 సీట్లు లభించాయి. అందులో 96 సీట్లలో 15,000 లేదా అంతకంటే ఎక్కువ ముస్లింల ఓట్లు ఉన్నాయి. ఈ 96 స్థానాలు గెలుచుకోవడంలో ముస్లిం ఓటర్లు కాంగ్రెస్కి మద్దతుగా నిలిచారు.

ఇంత జరిగినా ప్రభుత్వం ఏర్పాటైన తర్వాత ముఖ్యమంత్రి అశోక్ గెహ్లాట్, కాంగ్రెస్ నేతలు, మంత్రులు, చాలామంది ఎమ్మెల్యేలు ముస్లింలను పూర్తిగా విస్మరించారు. దాంతో వారిలో తీవ్ర ఆగ్రహం వ్యక్తమవుతోంది. కాంగ్రెస్లోని ముస్లింలు సైతం అణచివేతకు గురయ్యారు. పాలనలో ముస్లింలు పూర్తిగా నిర్లక్ష్యానికి గురయ్యారని వారు మౌనంగా అంగీకరిస్తున్నారు.

కాంగ్రెస్ పార్టీ ఇప్పుడు పూర్తిగా భారతీయ జనతా పార్టీకి 'బీ టీమ్' గా మారిపోయింది. భాజపాలాగా ముస్లింలను దూరంగా పెట్టి హిందూ, హిందూత్వం పేరుతో ఓట్లు సంపాదించుకోవాలని చూస్తోంది. అయితే ఈ మార్పుతో పశ్చిమబెంగాల్, ఉత్తర ప్రదేశ్, బీహార్ తదితర రాష్ట్రాల్లో కాంగ్రెస్ లబ్ది పొందే బదులు అక్కడ మరింతగా బలహీనపడింది.

కాంగ్రెస్ గుజరాత్లో తగిలిన గాయం చరిత్రాత్మకంగా తుడిచి పెట్టుకుపోయింది. 2021లో డిసెంబర్ 12 జైపూర్లో విద్యాధర్ నగర్ స్టేడియంలో జరిగిన కాంగ్రెస్ జాతీయ మహార్యాలీలో రాహుల్ గాంధీ ప్రసంగించినప్పుడే, కాంగ్రెస్ ఇక భాజపా బాటలో పయనించి ఆత్మహత్య చేసుకోబోతుందని స్పష్టమైంది.

ఆ మహార్యాలీలో రాహుల్ గాంధీ హిందువులు, హిందూత్వవాదంపై సుదీర్ఘ ప్రసంగం చేస్తూ 'కాంగ్రెస్ హిందువుల పార్టీ. అది మాత్రమే హిందువుల రాజ్యం తీసుకు వచ్చేది' అని రుజువు చేసే ప్రయత్నం చేసారు.