సరోజినీ నాయుడు పాత్ర సవాళ్లతో కూడుకున్నది శాంతిప్రియ

1990 దశకం నాటి ప్రముఖ నటి శాంతిప్రియ వి.శాంతారామ్  మనవడు, ఆర్టిస్టు సిద్ధార్థ్ రేను 1992లో ప్రేమ వివాహం చేసుకున్నారు.

- శాంతిస్వరూప్ త్రిపాఠీ

1990 దశకం నాటి ప్రముఖ నటి శాంతిప్రియ వి.శాంతారామ్  మనవడు, ఆర్టిస్టు సిద్ధార్థ్ రేను 1992లో ప్రేమ వివాహం చేసుకున్నారు. వారికి ఇద్దరు కుమారులు.సిద్ధార్థ్ రే 2004లో గుండెపోటుతో మరణించారు. తర్వాత శాంతిప్రియ సినీ కెరీర్ వదలుకుని తన ఇద్దరు కుమారుల పెంపకంలో మునిగి పోయింది.

 ఇప్పుడు ఆమె కుమారులు శుభమ్, శిష్య తమ కాళ్లమీద తాము నిలబడ్డారు. అయితే శాంతిప్రియ మరోసారి సినీ ప్రపంచంలోకి అడుగు పెట్టింది. ఓటీటీ ప్లాట్ఫాం వెబ్ సిరీస్ 'ధారవి బ్యాంక్'లో కనిపిస్తోంది.త్వరలో ఆమె స్వాతంత్ర్య సమర యోధురాలు, కవయిత్రి, ఉత్తర ప్రదేశ్ మొదటి గవర్నర్ సరోజినీ నాయుడు బయోపిక్ చిత్రం 'సరోజినీ నాయుడు'లో కనిపించనుంది.

ఇటీవల ఆమె వ్యక్తిగత, సినిమా జీవితం గురించి జరిపిన ఇంటర్వూలోని కొన్ని ముఖ్యాంశాలు ఇక్కడ ఇస్తున్నాం.

తమిళ సినిమాల్లో మీరు నిశాంతి పేరుతో నటించారు. హిందీ, తెలుగు చిత్రాల్లో శాంతిప్రియ పేరుతో పని చేసారు. ఎందుకని?

కళ్యాణి మురుగన్ నాకు తమిళంలో 'ఏంగ ఊరు పాట్టుకారన్' సినిమాలో అవకాశమిచ్చినప్పుడు ఆ చిత్ర దర్శకులు గంగై అమరన్ నాకు 'నిశాంతి' అని పేరు పెట్టారు. కానీ ఆ పేరు అశాంతిలాగా ఉందని అమ్మ చెప్పింది.

మా అక్క భానుప్రియ అప్పటికి పెద్ద హీరోయిన్. మా అసలు పేర్లు, భాను, శాంతి. మా అక్కయ్య తన పేరు చివర 'ప్రియ' చేర్చుకుంది. అందుకే మా అమ్మ నా పేరు చివర 'ప్రియ'ను చేర్చుకుని కెరీర్ లో ముందుకు సాగమని నాకు సలహా ఇచ్చింది.