രോഗചികിത്സയിൽ ഇന്റർവെൻഷണൽ റേഡിയോളജി

രോഗനിർണയത്തിനു മാത്രമല്ല, ചികിത്സയിലും റേഡിയോളജി

- ഡോ.പ്രവീൺ എ. സീനിയർ കൺസൾട്ടന്റ് ന്യൂറോറേഡിയോളജി & ഇന്റർവെൻഷണൽ റേഡിയോളജി എസ്.യു.ടി. ആശുപത്രി, പട്ടം, തിരുവനന്തപുരം

പൊതുജനങ്ങളിൽ ഇന്റർവെൻഷണൽ റേഡിയോളജിയെ പറ്റിയുള്ള അവബോധം പൊതുവേ കുറവാണ്. റേഡിയോളജി അഥവാ സ് കാനിങ് വിഭാഗം നമുക്കെല്ലാം സുപരിചിതമാണ്. രോഗനിർണയത്തിൽ പ്രധാന പങ്ക് വഹിക്കുന്ന ഒരു മോഡേൺ മെഡിസിൻ ശാഖയാണ് റേഡിയോളജി. ഇതിൽ വിവിധ സ്കാനിങ് ഉപകരണങ്ങൾ (എക സ്-റേ സി.റ്റി. സ്കാൻ, എം.ആർ.ഐ. അൾട്രാ സൗണ്ട് സ്കാനിംഗ്) ഉപയോഗിച്ച് രോഗാവസ്ഥയെ കുറിച്ച് പഠിക്കുന്നു. ഏതുതരത്തിലുള്ള രോഗമാണെന്നും അത് ഏത് അവയവത്തിലാണ്, അവയവത്തിന്റെ ഏത് ഭാഗത്താണെന്നും കൃത്യമായി നിർണയിക്കാൻ റേഡിയോളജി സംവിധാനങ്ങൾ സഹായിക്കുന്നു. ഇത്തരത്തിൽ രോഗാവസ്ഥ എവിടെയാണെന്ന് മനസ്സിലാക്കിയാൽ, അതേ സ്കാനിങ് ഉപകരണങ്ങളുടെ സഹായത്തോടെ ചെറിയ ഉപകരണങ്ങൾ രോഗം ഉള്ള ഭാഗത്തേക്ക് കൃത്യതയോടെ ചെറിയ സുഷിരങ്ങൾ വഴി കടത്തി ചികിത്സ നൽകുന്ന ചികിത്സാ വിഭാഗമാണ് ഇന്റർവെൻഷണൽ റേഡിയോളജി.

റേഡിയോളജി ചികിത്സയുടെ സവിശേഷതകൾ