തുളസി ചായ മുതൽ സൂപ്പ് വരെ

ഔഷധവും ആഹാരവുമായി തുളസി പ്രയോജനപ്പെടുത്തുന്നുണ്ട്. കൃഷ്ണതുളസിയാണ് ആഹാരാവശ്യത്തിനും ഔഷധാവശ്യത്തിനും കൂടുതലായി ഉപയോഗിക്കുന്നത്

- ഡോ.കെ.എസ്.രജിതൻ സീനിയർകൺസൾട്ടന്റ് ഔഷധിപഞ്ചകർമ ആശുപത്രി റിസർച്ച് ഇൻസ്റ്റിറ്റ്യൂട്ട്, തൃശ്ശൂർ [e-mail]

 തുളസിച്ചായ

ചേരുവകൾ: തുളസിയില അരക്കപ്പ്, പുതിനയില അരക്കപ്പ്, ഇഞ്ചി ചെറുതായരിഞ്ഞത് ഒരു ടീസ്പൂൺ തേൻ രണ്ട് ടീസ്പൂൺ, വെള്ളം ആവശ്യത്തിന്.

തയ്യാറാക്കുന്ന വിധം: തുളസിയിലയും പുതിനയിലയും ഇഞ്ചിയും ജ്യൂസറിലിട്ട് ആവശ്യത്തിന് വെള്ളവും ചേർത്ത് ജ്യുസെടുക്കുക. ഇത് മറ്റൊരു പാത്രത്തിലൊഴിച്ച് ഒന്നരക്കപ്പ് വെള്ളവും ചേർത്ത് അഞ്ചുമിനിറ്റ് തിളപ്പിക്കുക. ഇടയ്ക്കിടെ ഇളക്കണം. പിന്നീട് മറ്റൊരു പാത്രത്തിലേക്ക് പകർത്തി ചൂടാറിയതിനുശേഷം തേൻ ചേർത്ത് കുടിക്കാം. കഫസംബന്ധമായ രോഗങ്ങൾ ശമിപ്പിക്കാൻ ഇത് സഹായിക്കും. പ്രതിരോധശക്തിയും വർധിപ്പിക്കും. ദഹനശക്തി ക്രമപ്പെടുത്താനും കൃമിരോഗങ്ങൾ അകറ്റാനും സഹായിക്കുന്നു.

തുളസി സർബത്ത്

ചേരുവകൾ: തുളസിയില അരക്കപ്പ് നെല്ലിക്ക നാലെണ്ണം ചെറുതാക്കി അരിഞ്ഞത്, ശർക്കര മൂന്നുകഷണം, ഇഞ്ചി ചെറുതാക്കി അരിഞ്ഞത് ഒരു ടീസ്പൂൺ, നാരങ്ങനീര് ഒരു ടീസ്പൂൺ, തേൻ ആവശ്വത്തിന് വെള്ളം ആവശ്യത്തിന്.

തയ്യാറാക്കുന്ന വിധം: ശർക്കര ഒരുലിറ്റർ വെള്ളത്തിൽ നന്നായി അലിയിക്കുക. തുളസിയിലയും ഇഞ്ചിയും നെല്ലിക്കയും കുറച്ച് വെള്ളവും ചേർത്ത് ജ്യൂസറിലിട്ട് ജ്യൂസെടുക്കുക. ഇവ രണ്ടും യോജിപ്പിച്ചശേഷം നാരങ്ങനീരും ആവശ്യത്തിന് തേനും ചേർത്ത് കുടിക്കാം. ഇത് ക്ഷീണമകറ്റാനും ദഹനക്കേട് പരിഹരിക്കാനും പ്രയോജനപ്രദമാണ്.

തുളസി-പടവലങ്ങ ജ്യൂസ്