പ്രസക്തമാണ് പ്രീസ്കൂൾ വിദ്യാഭ്യാസം

 പ്രീസ്കൂൾ വിദ്യാഭ്യാസത്തിലൂടെ കുട്ടികൾക്ക് ഒരുപാട് പഠനാവസരങ്ങൾ ലഭിക്കുകയും വളർച്ചയുടെയും വിദ്യാഭ്യാസത്തിന്റെയും വിവിധ തലങ്ങൾക്ക് ആവശ്യമായ കാര്യങ്ങൾ നേടിയെടുക്കുകയും ചെയ്യുന്നുണ്ട്

- ഗംഗകൈലാസ് കൺസൾട്ടന്റ്സൈക്കോളജിസ്റ്റ് ആലപ്പുഴ

സ്കുളിലേക്ക് എത്തുന്നതിനുള്ള മുന്നൊരുക്കം എന്ന നിലയിലാണ് പ്രീസ്കൂൾ വിദ്യാഭ്യാസത്തെ കാണുന്നത്. ഒന്നാം ക്ലാസിൽ എത്താൻ ഇത് നിർബന്ധം അല്ലെ ങ്കിൽപ്പോലും ഭൂരിഭാഗം കുട്ടികളും നഴ്സറി ക്ലാസുകളിലോ അങ്കണവാടികളിലോ പോയശേഷം ഒന്നാം ക്ലാസിലേക്ക് എത്തുക എന്നതാണ് പതിവ്. പ്രീസ്കൂൾ വിദ്യാഭ്യാസത്തിലൂടെ കുട്ടികൾക്ക്  ഒരുപാട് പഠനാവസരങ്ങൾ ലഭിക്കുകയും വളർച്ചയുടെയും വിദ്യാഭ്യാസത്തിന്റെയും വിവിധ തലങ്ങൾക്ക് ആവശ്യമായ കാര്യങ്ങൾ നേടിയെടുക്കുകയും ചെയ്യുന്നുണ്ട്.

കൃത്യമായ ഒരു ക്രമീകരണത്തിലേക്ക് കുട്ടി ആദ്യമായി എത്തുന്നത് പ്രീസ്കൂളിലാണ്. അവിടെ കിട്ടുന്ന അനുഭവങ്ങളും പ്രതികരണങ്ങളും പാലിക്കേണ്ട ശീലങ്ങളും കുട്ടിയെ സംബന്ധിച്ച് തീർത്തും പുതിയവ ആയിരിക്കും. പ്രധാനമായും താഴെ പറയുന്ന മേഖലകളിലെ വികാസവും വളർച്ചയും ആണ് പ്രീസ്കൂൾ വിദ്യാഭ്യാസത്തിലൂടെ സാധ്യമാകുന്നത്.

ശാരീരിക വികാസം

ഓടിയും ചാടിയും ശാരീരികവ്യായാമം ലഭിക്കുന്ന കളികളിലും പേപ്പർ, മണ്ണ്, ക്രയോൺസ് ഒക്കെ ഉപയോഗിച്ചുള്ള പ്രവർത്തനങ്ങളിലും ഏർപ്പെടുന്നതിലൂടെ കുട്ടികളിൽ ശാരീരിക ചാലക വികാസം മെച്ചപ്പെടുന്നു. കണ്ണുകളും ചെറിയ പേശികളും (കൈകൾ, വിരലുകൾ, കൈത്തണ്ട മുതലായ സ്ഥലങ്ങളിലെ ചെറിയ പേശികൾ) തമ്മിൽ ഏകോപിപ്പിച്ച് പ്രവൃത്തികൾ ചെയ്യാനുള്ള കഴിവാണ് ഫൈൻ മോട്ടോർ സ്കിൽസ്. എഴുതാനും വളരെ ചെറിയ സാധനങ്ങൾ എടുക്കാനും പിടിക്കാനും വാതിലിന്റെ കുറ്റി, ബാഗിന്റെ സിപ്പ്. പേനയുടെ അടപ്പ്, ഉടുപ്പിന്റെ ബട്ടൻസ് എന്നിവയൊക്കെ ഇടുന്നതും ഫൈൻ മോട്ടോർ സ്കിൽസിന് ഉദാഹരണങ്ങളാണ്. അതുപോലെ ശരീരത്തിലെ വലിയ പേശികളെ ഏകോപിപ്പിച്ചു കൊണ്ടുള്ള പ്രവർത്തനങ്ങൾ അഥവാ ചലനങ്ങളാണ് ഗ്രോസ് മോട്ടോർ സ്കിൽസ് നടക്കുക, ഓടുക, ചാടുക, ഇരിക്കുക തുടങ്ങി നിത്യജീവിതത്തിലെ മിക്ക പ്രവൃത്തികളും ഗ്രോസ് മോട്ടോർ സ്കിൽസിന് ഉദാഹരണങ്ങളാണ്.

മാനസിക വികാസം