ലഹരിക്കെതിരേ ഒറ്റക്കെട്ടായി പോരാടാം

 സർക്കാർ സംവിധാനങ്ങളും പൊതുജനങ്ങളും സന്നദ്ധ പ്രവർത്തകരും ഒന്നിച്ച് പ്രവർത്തിച്ചെങ്കിൽ മാത്രമേ സമൂഹത്തെ ബാധിക്കുന്ന ലഹരി വിപത്തിനെ ഒരു പരിധിവരെയെങ്കിലും തടയുവാൻ സാധിക്കുകയുള്ളൂ

- വീണാ ജോർജ് ആരോഗ്യവകുപ്പ്മന്ത്രി

സംസ്ഥാനത്ത് ലഹരി ഉപയോഗം ആശങ്കയാംവിധം വർധിച്ചു വരുന്ന സാഹചര്യത്തിലാണ് സംസ്ഥാന സർക്കാർ ലഹരി മുക്ത കേരളം' കാമ്പയിൻ ആരംഭിക്കുന്നത്. ഒക്ടോബർ 6 മുതൽ നവംബർ1 വരെയാണ് കാമ്പയിൻ. പ്രായ-ലിംഗഭേദമെന്യേ സമൂഹത്തിൽ എല്ലാ മേഖലകളിലും മയക്കുമരുന്ന് ശൃംഖല പിടിമുറുക്കുന്നുവെ ന്നത് ആശങ്കയോടെയാണ് കാണുന്നത്. സർക്കാർ സംവിധാനങ്ങളും പൊതുജനങ്ങളും സന്നദ്ധപ്രവർത്തകരും ഒന്നിച്ച് പ്രവർത്തിച്ചെങ്കിൽ മാത്രമേ സമൂഹത്തെ ബാധിക്കുന്ന ഈ വിപത്തിനെ തടയുവാൻ സാധിക്കുകയുള്ളൂ.

എല്ലാ ലഹരിയിലേക്കുമുള്ള പടിവാതിലായാണ് പുകയിലയെ കണക്കാക്കപ്പെടുന്നത്. എല്ലാ ദുശ്ശീലങ്ങളും ആരംഭിക്കുന്നത് ആദ്യത്തെ പഫിൽ നിന്നാണെന്ന് ശാസ്ത്രീയ പഠനങ്ങൾ തെളിയിച്ചിട്ടുള്ളതാണ്. സിഗററ്റിനെയും മറ്റ് പുകയില ഉത്പന്നങ്ങളെയും നിയന്ത്രിക്കുക വളരെ പ്രധാനമാണ്. ഇതിനായി സംസ്ഥാന ആരോ ഗ്യവകുപ്പ് നടപ്പിലാക്കിവരുന്ന പദ്ധതിയാണ് ദേശീയപുകയില നിയന്ത്രണപദ്ധതി.