സഹോദരങ്ങൾ വഴക്കിടുമ്പോൾ

കുട്ടിവഴക്കുകൾക്ക് പ്രത്യേകിച്ച് കാരണങ്ങളൊന്നും ഉള്ളതായി മാതാപിതാക്കൾക്ക് തോന്നാറില്ല. എന്നാൽ, കുട്ടികളെ സംബന്ധിച്ചിടത്തോളം ഇതിന് പിന്നിൽ വളരെ പ്രാധാന്യമുള്ള പല കാരണങ്ങളും ഉണ്ടാകാം

- ഗംഗ കൈലാസ് കൺസൾട്ടന്റ്സൈക്കോളജിസ്റ്റ് ആലപ്പുഴ

ഒന്നിൽ കൂടുതൽ കുട്ടികളു ള്ള വീടുകളിലൊക്കെ കുട്ടി കൾ തമ്മിലുള്ള വഴക്കുകൾ സാധാരണമാണ്. സ്നേഹ ത്തോടെ ഇരുന്ന് കളിക്കു ന്നതിനിടയിലാകാം ഇവർ അടികൂടുന്നത്. എന്നാൽ, തമ്മിൽ കണ്ടാൽ എപ്പോഴും വഴക്കിടുന്നവരുമുണ്ട്. ഈ വഴക്കുകൾ പരിഹരിക്കാൻ ഏറെ സമയം ചെലവഴിക്കേ ണ്ടി വരുമ്പോൾ മാതാപിതാ ക്കൾക്ക് ഇതൊരു തലവേദ നയായി മാറുന്നു. മാതാപിതാക്കളെ സംബന്ധിച്ചിടത്തോളം ഇത്തരം കുട്ടിവഴക്കുകൾക്ക് പ്രത്യേകിച്ച് കാരണങ്ങളൊന്നും ഉള്ളതായി തോന്നാറില്ല. വെറുതെ വഴക്കിടുകയാണ് എന്നാണ് പൊതുവേ മാതാപിതാക്കൾ പറയുക. എന്നാൽ, കുട്ടികളെ സംബന്ധിച്ചിടത്തോളം ഇതിന് പിന്നിൽ വളരെ പ്രാധാന്യമുള്ള പല കാരണങ്ങളും ഉണ്ടാകാം.

സഹോദരങ്ങളുടെ ജനനം

അതുവരെ കുടുംബത്തിൽ എല്ലാവരുടെയും ഓമനയും ശ്രദ്ധാകേന്ദ്രവുമായി നിന്നിരുന്ന കുട്ടി സഹോദരന്റെയോ സഹോദരിയുടെയോ ജനനത്തോടുകൂടി തന്റെ പ്രധാന്യം കുറഞ്ഞു പോയി എന്ന് ചിന്തിക്കുന്നത് സ്വഭാവികമാണ്. കാരണം അതുവരെ സ്വന്തം ആവശ്യങ്ങളും ആഗ്രഹങ്ങളും സാധിക്കാൻ അവർക്ക് അധികമൊന്നും കാത്തിരിക്കേണ്ടി വന്നിരുന്നില്ല.

എന്നാൽ അടുത്ത കുട്ടി കൂടി ആകുന്നതോടെ മാതാപിതാക്കളുടെ ഉത്തരവാദി ത്വങ്ങൾ കൂടുകയും എല്ലാ കാര്യങ്ങളും ഉടനടി ചെയ്യാൻ സമയം കിട്ടാതെ വരുകയും ചെയ്യാം. തനിക്കുവേണ്ടി മാത്രം സമയം ചെലവഴിച്ചു കൊണ്ടിരുന്ന അച്ഛനമ്മമാർ മറ്റൊരാൾക്കു വേണ്ടി കൂടി കാര്യങ്ങൾ ചെയ്യുന്നത് കുഞ്ഞുങ്ങൾക്ക് പെട്ടെന്ന് സ്വീകാര്യമായെന്ന് വരില്ല. മാത്രമല്ല അമ്മ ഗർഭിണിയാ കുന്ന സമയം മുതൽ തന്നെ കുഞ്ഞുവാവ വന്നാൽ പിന്നെ നീ ഔട്ട് ആകുമല്ലോ', "അച്ഛനുമമ്മയ്ക്കും ഇനി കുഞ്ഞുവാവയോട് ആകും കൂടുതൽ സ്നേഹം', 'നീ ഇനി വലിയ കുട്ടിയാണ്. കുഞ്ഞല്ല തുടങ്ങിയ വർത്തമാനങ്ങളൊക്കെ പലരിൽ നിന്ന് കുട്ടി കേൾക്കുന്നുണ്ടാകാം. കുഞ്ഞ് ജനിച്ചു കഴിഞ്ഞാൽ അമ്മയോടൊപ്പം കിടക്കാൻ പറ്റാത്തത്, പല കാര്യങ്ങളും സ്വയം ചെയ്യേണ്ടിവരുന്നത് ഒക്കെ താൻ തഴയപ്പെടുന്നു എന്ന തോന്നൽ കുഞ്ഞുങ്ങളിലുണ്ടാക്കാം. വീട്ടിൽ വരുന്നവരൊക്കെ കുഞ്ഞിനെ കൂടുതൽ ശ്രദ്ധിക്കുകയും കുഞ്ഞിന് സമ്മാനങ്ങൾ കൊണ്ടു വരുകയുമൊക്കെ ചെയ്യുന്നത് കാണുന്നതോടെ ഇത്തരം ചിന്തകൾ മൂത്ത കുട്ടികളിൽ ശക്തിപ്പെടും. ഇത് പതിയെ കുഞ്ഞിനോടുള്ള ദേഷ്യമായി മാറാം. തന്റെ കളിപ്പാട്ടങ്ങളും മിഠായികളുമൊക്കെ പങ്കുവയ്ക്കേണ്ടി വരുമെന്നുള്ള സങ്കടവും ഈ സമയത്ത് ഇവരിലുണ്ടാകാം.