சர்ச்சை சினிமாக்கள் பதறும் திரைத்துறை!

மக்களிடையே எளிதில் தாக்கத்தை ஏற்படுத்தக்கூடிய திரைப்படங்கள் மூலம் கருத்து சுதந்திரம் தொடர்பான சர்ச்சை எழுவது புதிதல்ல.

- ஏழ்புரவியோன்

கடந்த காலத்தில் சில திரைப்படங்கள் சர்வதேச அளவிலும் தேசிய அளவிலும் சர்ச்சையை ஏற்படுத்தியுள்ளன. இது நிகழ்காலத்திலும் தொடர்கிறது என்பதற்கு கண்கண்ட உதாரணங்களாக 'தஸ்தன் இ சிர்ஹிந்த்' என்ற பஞ்சாபி திரைப்படமும் 'பதான் 'என்ற ஹிந்தி திரைப்படமும் உள்ளன.

சீக்கியர்கள் தங்களது மத நம்பிக்கைகளுக்கு முரணான நடவடிக்கைகளை ஒரு போதும் ஏற்பதில்லை. சீக்கிய மத நிறுவனர் குரு நானக்கையோ அல்லது அவரது வழி தடத்தில் இருந்த 10 குருமார்களையோ அவமதிப்பதை சீக்கியர்கள் வீறு கொண்டு எழுந்து முறியடித்தே தீருவார்கள் இதற்கு கடந்த கால உதாரணங்கள் பல உள்ளன.