മാറ്റം സാധ്യമാണ്

സർക്കാർ കെട്ടിടങ്ങൾ ഒരിക്കലും നമ്മളെത്തേടി വരില്ല; നമ്മൾ അവയെത്തേടി ചെല്ലണം

- സിനു കെ. ചെറിയാൻ

എല്ലാവർക്കും ആസ്വദിക്കാനാകുന്ന, നമ്മുടെ കാലശേഷവും ഒരു പാടുകാലം നിലനിൽക്കുന്ന ഒരു പൊതു കെട്ടിടം. അങ്ങനെയൊന്നു രൂപകൽപന ചെയ്യാൻ ഭാഗ്യം ലഭിക്കണമെന്ന ആഗ്രഹം കുറേക്കാലമായി മനസ്സിലുള്ളതായിരുന്നു. ഗവൺമെന്റ് കെട്ടിടങ്ങൾക്ക് ഒരു പ്രത്യേകതയുണ്ട്; അവ നമ്മളെ തേടി എത്തില്ല, അവയെ തേടിച്ചെല്ലണം. അങ്ങനെ ചെന്നാലോ? സ്വീകരണം കിട്ടുകയില്ല എന്നുമാത്രമല്ല, മനസ്സ് മടുത്തുപോകുകയും ചെയ്യും. നല്ല ക്ഷമയും സഹനശക്തിയുമൊക്കെയുണ്ടെങ്കിലേ നമ്മുടെ സർക്കാർ സംവിധാനങ്ങളുമായി ഇടപെടാൻ കഴിയൂ. 2011 ൽ ടൂറിസം വകുപ്പിനു കീഴിൽ വഴിയോര വിശ്രമകേന്ദ്രമായ "ടേക്ക് എ ബ്രേക്ക് പ്രോജക്ട് ഡിസൈൻ ചെയ്യുമ്പോൾ മുതൽ ഇക്കാര്യം ബോധ്യമുള്ളതാണ്. അതിന്റെ കാര്യത്തിലെന്ന പോലെ കുറേക്കാലത്തെ പരിശ്രമങ്ങൾക്കും കാത്തിരിപ്പിനും ശേഷമാണ് വർക്കലയിൽ സെന്റർ ഫോർ പെർഫോമിങ് ആർട്സ് രൂപകൽപന ചെയ്യാനുള്ള അവസരം ലഭിക്കുന്നത്. വർകല ഗെസ്റ്റ് ഹൗസിനോട് ചേർന്നുള്ള മൂന്നര ഏക്കറിൽ പാരമ്പര്യ കലകളുടെ അവതരണത്തിനായി സൗകര്യമൊരുക്കുക എന്നതായിരുന്നു പദ്ധതി.

മിക്ക യൂറോപ്യൻ രാജ്യങ്ങളിലും ഇത്തരം കലാകേന്ദ്രങ്ങളുണ്ട്. സഞ്ചാരികൾക്കും മറ്റുമായി തനിമയോടും ആധികാരികതയോടെയും പാ രമ്പര്യകലകൾ അരങ്ങേറുന്നത് ഇവിടെയാകും.