കണ്ടെയ്നറിലാകാം താമസം

കുറഞ്ഞ ചെലവിൽ മികച്ച സൗകര്യങ്ങളോടെ കണ്ടെയ്നർ ഹോം നിർമിക്കാനാവും

ഫിഫ ലോകകപ്പ് 2022 ശ്രദ്ധേയമായത് പിന്നണിയിലെ ഒരുക്കങ്ങളുടെ മികവും പരിസ്ഥിതിസൗഹാർദപരതയും കൊണ്ടുകൂടിയാണ്. ലോകകപ്പ് കാണാനെത്തുന്നവർക്കു താമസിക്കാൻ നിർമിച്ച കണ്ടെയ്നർ ഹോമുകൾ വാർത്തകളിൽ ഇടംപിടിച്ചിരുന്നു. ഷിപ്പിങ് കണ്ടെയ്നറുകൾ ഉപയോഗിച്ചു നിർമിക്കുന്ന കണ്ടെയ്നർ ഹോമുകൾ തികച്ചും ചെലവ് കുറവും എളുപ്പം നിർമിക്കാവുന്നതും റീസൈക്കിൾ ചെയ്യാവുന്നതുമാണ്. കൊച്ചിയിലെ ഡിസൈനിങ് കമ്പനിയായ രഞ്ജിത് പുത്തൻപുരയിൽ അസോഷ്യേറ്റ്സ് ഭാവിയിലെ നിർമിതി എന്ന നിലയിൽ പൊതു ജനത്തിന് കണ്ട് മനസ്സിലാക്കാൻ ഒരു മോഡൽ കണ്ടെയ്നർ ഹോം അവരുടെ ഓഫിസിനോടു ചേർന്ന് നിർമിച്ചു.

സൗകര്യങ്ങളൊത്ത നാനോ വീട്