മനംപോലെ ഫർണിച്ചർ

വീട്ടുകാരുടെ ഇഷ്ടങ്ങൾക്കും വീടിന്റെ ഡിസൈനിനും ഇണങ്ങുന്ന രീതിയിൽ നിർമിക്കുന്ന കസ്റ്റമൈസ്ഡ് ഫർണിച്ചറിനെപ്പറ്റി അറിയാം

- Furniture

പേര് കേട്ടാൽ പുതിയ സംഭവം ആണെന്നു തോന്നുമെങ്കിലും "കസ്റ്റമൈസ്ഡ് ഫർണിച്ചർ നമ്മൾക്കെല്ലാം പരിചയമുള്ള ആളാണ്. വീട്ടുകാരുടെ ആവശ്യങ്ങൾക്കും ഇഷ്ടങ്ങൾക്കും അനുസരിച്ച് നിർമി ച്ചെടുക്കുന്ന ഫർണിച്ചർ എന്നാണ് കസ്റ്റമൈസ്ഡ് ഫർണിച്ചറിന്റെ നിർവചനം. നമ്മുടെ വീടുകളിലിരുന്ന് ആശാരിമാർ നിർമിച്ച മേശയും കട്ടിലുമൊക്കെ കസ്റ്റമൈസ്ഡ് ഫർണിച്ചർ തന്നെയായിരുന്നു. അതിലും ഒരുപടി കൂടി കടന്ന് പ്രത്യേകമായ അളവുകളിലും വീടിന്റെ സ്റ്റൈലിന് ഇണങ്ങുന്ന ഡിസൈനിലും നിർമി ക്കുന്നതാണ് ന്യൂ ജനറേഷൻ കസ്റ്റമൈസ്ഡ് ഫർണിച്ചർ മെറ്റീരിയൽ, അതിന്റെ ടെക്സ്ചർ, നിറം എന്നിവയിലെല്ലാം വീടിന്റെ പൊതുസ്വഭാവത്തോട് ഇവ ചേർന്നുനിൽക്കും.

ആർക്കിടെക്ട് അല്ലെങ്കിൽ ഇന്റീരിയർ ഡിസൈനർ ആയിരിക്കും ഡിസൈൻ തയാറാക്കുന്നത്. അതിനു ശേഷം സാധനങ്ങൾ വാങ്ങി നൽകി വിദഗ്ധരായ ആളുകളെക്കൊണ്ട് പണിയിച്ചെടുക്കും. തടി, മെറ്റൽ, ഗ്ലാസ്, ഫൈബർ തുടങ്ങിയവയൊക്കെ കൊണ്ട് കസ്റ്റംമെയ്ഡ് രീതിയിൽ ഫർണിച്ചർ നിർമിക്കാം.

പുതുമ കൊണ്ടുവരും എപോക്സി

ഫർണിച്ചറിൽ പുതുമയ്ക്ക് മുൻഗണന നൽക എന്നുണ്ടെങ്കിൽ എപോക്സിയെ കൂട്ടുപിടിക്കാം. നിറവൈവിധ്യമാണ് എപോക്സിയുടെ ഹൈ ലൈറ്റ്, ഊണുമേശ, ടീപോയ്, കോഫി ടേബിൾ എന്നിവയാണ് ഇത്തരത്തിൽ നിർമിക്കുന്നത്. ആർട് വർക്, വോൾ പെയിന്റിങ് എന്നിവയും തയാറാക്കാം. റെസിൻ, ഹാർഡ്നർ എന്നിവ ചേർത്താണ് എപോ ക്സി നിർമിക്കുന്നത്. തടി, ഗ്ലാസ്, സ്റ്റീൽ എന്നിവയുടെ ചട്ടക്കൂടിലോ അതല്ലാതെ പ്ലെയിൻ ആയിട്ടോ എപോക്സി ഫർണിച്ചർ നിർമിക്കാം. ഭാവനയ്ക്ക് അതിരി ല്ല എന്നതാണ് എപോക്സിയുടെ കാര്യത്തിലെയും ആപ്തവാക്യം. നിറം, ഡിസൈൻ എന്നിവയൊക്കെ ഇഷ്ടംപോലെ നൽകാം. കുഞ്ഞുടുപ്പുകൾ, ഉറ്റവർ ഉപയോഗിച്ചിരുന്ന വാച്ച്, കണ്ണട തുടങ്ങിയവയൊക്കെ ഉള്ളിലാക്കി ഓർമകൾക്കു കൂടി ഇടം നൽകുന്ന രീതിയിലും എപോക്സി ഫർണിച്ചർ നിർമിക്കാം. ചതുരശ്രയടിക്ക് 1,000 രൂപ മുതലാണ് നിർമാണച്ചെലവ്.

നൽകാം ഫ്യൂഷൻ സ്റ്റൈൽ