ലൈറ്റിങ് അത്ര നിസ്സാര കാര്യമല്ല

ഓരോ മുറിയുടെയും ആവശ്യവും മൂഡും നോക്കി വേണം ലൈറ്റിങ് നിശ്ചയിക്കാൻ

ഒരു മുറി ഭംഗിയുള്ളതാക്കാൻ മാത്രമല്ല, നന്നായി ഉപയോഗിക്കുവാനും സഹായിക്കുന്നതാണ് ആ മുറിയിലെ ലൈറ്റിങ്. സത്യം പറഞ്ഞാൽ, ഒരു ഡിസൈനറെ സംബന്ധിച്ച് ഏറ്റവും നല്ലൊരു ഉപകരണം എന്നത് ലൈറ്റിങ്ങിനെ പറ്റിയുള്ള അറിവാണ്. ലൈറ്റുകളുടെ ശരിയായതും കൃത്യമായതുമായ സ്ഥാനം മുറിയെ കൂടുതൽ പ്രിയപ്പെട്ടതാക്കും.

ലൈറ്റിങ് എന്നു പറയുമ്പോൾ രണ്ടു തരത്തിലാണ് - പ്രകൃതിദത്തമായി ലഭിക്കുന്ന സൂര്യപ്രകാശവും കൃത്രിമ പ്രകാശവും. നമുക്കിവിടെ കൃത്രിമപ്രകാശത്തിന്റെ സാധ്യതകൾ നോക്കാം.

ട്യൂബ്ലൈറ്റ് വേണോ?

പഴയകാലത്ത് ലൈറ്റിങ് എന്നു പറയുമ്പോൾ ആദ്യമേ ഒരു ട്യൂബ്ലൈറ്റ് ഉണ്ടാവും. എന്നാൽ ഇന്ന് ഭൂരിപക്ഷം പ്രോജക്ടുകളിലും സീലിങ്ങിൽ കൊടുക്കുന്ന ലൈറ്റുകളാണ് ഉപയോഗിക്കുന്നത്. ട്യൂബ്ലൈറ്റിനോടുള്ള പ്രതിപത്തി കുറവാണ്. എന്നിരിക്കിലും, ഒരു കാര്യം ഓർക്കുന്നത് നല്ലതാണ്. സീലിങ്ങിലെ ലൈറ്റുകൾ മാറ്റുന്നത് അത്ര എളുപ്പമല്ല. അതേസമയം, ഒരു ട്യൂബ് പോയാലും വീട്ടുകാർക്ക് തന്നെ മാറ്റിയിടാനാവും. എല്ലാ മുറികളിലും ഒരു ട്യൂബ്ലൈറ്റ് കൊടുക്കുന്നത് നന്നായിരിക്കും.

പ്ലാനിങ് വേണം