MySweet "Home

കൊച്ചി മറൈൻഡ്രൈവിൽ സ്വന്തമാക്കിയ പുതിയ ഫ്ലാറ്റിന്റെ വിശേഷങ്ങൾ ഹണി റോസ് പങ്കുവയ്ക്കുന്നു

വിധിച്ചിട്ടുള്ളത് നമ്മെ തേടിയെത്തുക തന്നെ ചെയ്യും; സിനിമയിലായാലും ജീവിതത്തിലാ യാലും താരമാകുന്നതിനും മുൻപേ തന്നെ ഹണി റോസിന്റെ വിശ്വാസമാണിത്. കൊച്ചി മറൈൻ ഡ്രൈവിലെ കായൽക്കരയിൽ പുതിയ ഫ്ലാറ്റ് വാങ്ങിയതോടെ ഈ വിശ്വാസം ഒന്നുകൂടി സ്ട്രോങ്ങായി.

“കൊച്ചിയിൽ ഒരു ഫ്ലാറ്റ് വേണമെന്ന ആഗ്രഹം ഒത്തിരി നാളായി മനസ്സിലുണ്ട്. എന്നാൽ, അതേപ്പറ്റി കാര്യമായി ഒന്നും ആലോചിച്ചിരുന്നുമില്ല. ആലുവയിലെ പഴയ ഫ്ലാറ്റിൽ അറ്റകുറ്റപ്പണി നടക്കുന്ന ഒരു മാസത്തേക്ക് ഹോട്ടലിൽ കഴിയാം എന്നാണ് ആദ്യം കരുതിയത്. ആകെ മടുപ്പാകുമെന്ന പേടി മനസ്സിലുണ്ടായിരുന്നു. തീർത്തും യാദൃച്ഛികമായാണ് മറൈൻഡ്രൈവിലെ അപാർട്മെന്റിലേക്കെത്തുന്നത്. പതിനൊന്നാം നിലയിൽ കായലിന് അഭിമുഖമായുള്ള ഫ്ലാറ്റ്. ഒറ്റദിവസത്തെ താമസം കൊണ്ടു തന്നെ ഞാനതിന്റെ ആരാധികയായിപ്പോയി! എത്ര കണ്ടാലും കൊതി തീരാത്ത കാഴ്ചകൾ, എപ്പോഴും തണുത്ത കാറ്റ്, നല്ല സൗകര്യങ്ങൾ...

പതിനാറാം നിലയിൽ ഇതേ ഡിസൈനിലുള്ള ഒരു അപാർട്മെന്റ് കൊടുക്കാനുണ്ട് എന്നറിഞ്ഞതോടെ സന്തോഷമായി. 2023 സെപ്റ്റംബർ അഞ്ചിന്, ബർത്ഡേയുടെ അന്നാണ് കരാർ ഒപ്പിട്ടത്. ഒരു വർഷം കൊണ്ട് പണികളെല്ലാം പൂർത്തിയായി. ഇത്തവണത്തെ ബർത്ഡേ പുതിയ ഫ്ലാറ്റിലായിരുന്നു.

'' ഇളം നിറങ്ങളാണല്ലോ കൂടുതലും. ഇത് പ്രത്യേകം ആവശ്യപ്പെട്ടതാണോ?