അണിയിച്ചൊരുക്കാം അകത്തളം

അകത്തളം നവീകരിക്കുമ്പോൾ ഓരോ ഇടത്തിലും ശ്രദ്ധിക്കേണ്ട കാര്യങ്ങളും പുതിയ ട്രെൻഡുകളുമിതാ...

- തയാറാക്കിയത്: സി. റാഫി

വീട് നവീകരണമായാലും പുതിയത് നിർമിക്കുകയാണെങ്കിലും കൂടുതൽ പണച്ചെലവുള്ള ഏരിയയാണ് ഇന്റീരിയർ. ശ്രദ്ധ കുറഞ്ഞാൽ ധാരാളം പണം പാഴായിപ്പോകാൻ സാധ്യതയേറെയാണ്. മിനിമലിസ്റ്റിക് രീതി അവലംബിച്ചാൽ പോക്കറ്റ് കീറാതെ അകത്തളം സൗകര്യപ്രദവും മനോഹരവുമാക്കാം. അകത്തളം നവീകരിക്കുമ്പോൾ ഓരോ ഇടത്തിലും ശ്രദ്ധിക്കേണ്ട കാര്യങ്ങളും പുതിയ ട്രെൻഡുകളുമറിയാം...

ഫ്ലോറിങ്

ഫ്ലോറിങ് നവീകരണ മെറ്റീരിയലുകളുടെ ലിസ്റ്റിൽ ലാമിനേറ്റും വിനൈലും വുഡ് പാനലുമൊക്കെയുണ്ടെങ്കിലും കനം കുറഞ്ഞ വിട്രിഫൈഡ് ടൈലാണ് ട്രെൻഡിങ്. മുകളിലെ നിലയിൽ ഫ്ലോറിങ് ചെയ്യുന്നതിനുമുമ്പ് വാട്ടർ പ്രൂഫിങ് ആവശ്യമുണ്ടോ എന്ന് പരിശോധിക്കണം.

വാൾ പാനലിങ്

ശരിയായി ഫിനിഷ് ചെയ്ത ഭിത്തികളുള്ള വീട്ടിൽ വാൾ പാനലിങ് കുറച്ച് ചെയ്യുന്നതാണ് ഭംഗി. ചെലവും കുറയും. പാനലിങ് ആവശ്യമായി വരുന്ന ഭാഗമാണ് ലിവിങ് റൂമിൽ ടി.വി യൂനി റ്റിന്റെ പിറകുവശം. ഫോയർ (മുൻവാതിലിനും ലിവിങ് ഏരിയക്കും ഇടയിലുള്ള ഭാഗം) ഏരിയയിലും ഇപ്പോൾ പാനലിങ് ചെയ്യാറുണ്ട്. വീട്ടിൽ പൊതുവേ ഉപയോഗിക്കാത്ത കടും നിറങ്ങൾ, സ്വർണ നിറത്തിലെ മെറ്റൽ സ്ട്രിപ് എന്നിവ ഫോയറിലെ പാനലിങ്ങിൽ ഉപയോഗിക്കുന്നത് പുതിയ ട്രെൻഡാണ്.

ബജറ്റ് അനുസരിച്ച് ടെക്സ്ചറുകൾ, സ്റ്റോൺ ക്ലാഡിങ്, സ്റ്റോൺ വെനീർ പാനലിങ്, പ്ലൈ ലാമിനേറ്റ് വെനീർ പാനലിങ് എന്നിവ ഉപയോഗിക്കാം. ചാർക്കോൾ, എം.ഡി.എഫ് ഫൂട്ടഡ്, ഡബ്ല്യു.പി.സി, പി.വി.സി, ത്രീഡിവേവ് ബോർഡ് തുടങ്ങിയ പാനലുകളാണ് കൂടുതലായി ഉപയോഗിക്കുന്നത്. ഇവയിൽ ചെയ്യാം. ധാരാളം ഡിസൈനും കോ മ്പിനേഷനുകളും പിറകിൽ ലൈറ്റ് വെക്കാവുന്ന അലബാസ്റ്റർ ഷീറ്റ്, മൊസൈക് -മാർബിൾ ടച്ചിലുള്ള പാനലുകൾ, പി.വി.സി സ്റ്റിക്കറുകൾ തുടങ്ങിയവയും ട്രെൻഡിങ് ലിസ്റ്റിലുണ്ട്.

ഫാൾസ് സീലിങ്

ജിപ്സം സീലിങ് താരതമ്യേന ചെലവ് കുറഞ്ഞതും മനോഹരമായി ലൈറ്റിങ് ചെയ്യാൻ കഴിയുന്നതുമാണ്. ലാമിനേറ്റ്, വെനീർ പാനലുകളാൽ വുഡൻ ഫിനിഷിൽ സീലിങ് ചെയ്യുന്നവരുമുണ്ട്. പരമ്പരാഗത ലുക്ക് ഇഷ്ടപ്പെടുന്നവരാണ് ഇങ്ങനെ ചെയ്യുന്നത്.

വാഡ്രോബ്