‘દિલ ચાહતા હૈ’ના ૨૧ વર્ષ: હમ હૈ નયે, અંદાઝ કયૂં હો પુરાના!

મેચ્યોર, વેલ મેનર્ડ, ભભકાદાર અને સ્ટાઈલિશ હોવા છતાંય સહજ અને ફિલ્મી ન લાગે તેવા ત્રણ દોસ્તો દર્શકોએ જોયા. તેમની દોસ્તી પરિપક્વ થતી જોઈ. પ્રેમના કારણે તેમની દોસ્તીનું ‘સ્વરૂપ’ બદલાતું જોયું. શંકર-એહસાન-લૉયના સથવારે બનેલી ફરહાન અખ્તરની પહેલી ફિલ્મ ‘દિલ ચાહતા હૈ’ આજે પણ એટલી જ ફ્રેશ લાગે છે.

- પાર્થ દવે

ગયા મહિને ઓગસ્ટની ૭મી તારીખે ફ્રેન્ડશિપ ડે હતો અને ૧૦મી ઓગસ્ટે મિત્રતાને ઉજવતી ફિલ્મ ‘ દિલ ચાહતા હૈ’ને ૨૧ વર્ષ થયા. ફરહાન અખ્તરની તે પહેલી ફિલ્મ. ત્યારે તેની ઉંમર ૨૭ વર્ષ હતી. કોલેજ વચ્ચેથી મૂકીને ફરહાન ઘરે બેઠા બેઠા, કઝિન સાજિદ ખાન સાથે ફિલ્મો જોયા કરતો હતો. બીજો કોઈ કામધંધો હતો નહીં. એકની એક ફિલ્મ વારંવાર જોવી ફરહાનનું કામ હતું. (તેણે ‘ક્રાંતિ’ ફિલ્મ સેંકડો વખત જોઈ છે. એ પણ વહેલી સવારે સ્કૂલ બસ આવે એ પહેલાં, સાડા ૬થી સાડા 9 દરમિયાન!) એક દિવસ મમ્મી (હની ઇરાની)એ તેને કહ્યું કે, કંઈ કરવા માંડ નહીંતર ઘરમાંથી બહાર કાઢી મૂકશું!

જાવેદ અખ્તર-પુત્ર ફરહાનને સ્ક્રિપ્ટ લખવાનો વિચાર આવ્યો. અને ૧૫ મહિના બાદ જે કાગળ પર બન્યું તે હતું ‘દિલ ચાહતા હૈ'!

એઝ વી નો, ‘દિલ ચાહતા હૈ'માં મિત્રોની વાર્તા હતી. એવી જે અગાઉ કહેવાઈ ચૂકી હતી. હિન્દીમાં તો જય-વીરુ કે ધરમ-વીરની જોડી ઓલરેડી પોપ્યુલર હતી, પણ આ - સીડ, આકાશ અને સમીર થોડા અલગ હતા.ફ્કરાની શરૂઆતમાં અંગ્રેજી શબ્દો (એઝ વી નો) વાપર્યા તેવા શબ્દો આ મિત્રો સહજ રીતે ઉચ્ચારતા હતા. આ પાત્રો વિદેશી અને પોશ લાગતા હતા, પણ પરાયા નહોતા લાગતા. ફ્નિી નહોતા લાગતા. રિયલ હતા!

‘દિલ ચાહતા હૈ’ નાઇન્ટિંઝ કે એ પહેલાંના લોકો માટે એક કલ્ટ મેમરી છે. વાર્તા, દ્રશ્યો, કલાકાર, લાગણી, ગીત-સંગીત, ગોવા વગેરે વિશે અઢળક વાતો કરી શકાય તેમ છે. એમાંથી અમુક બાબતો અહીં મૂકું છું.

તુમ્હારા દિલ કચા ચાહતા હૈ?