૩૬મી નેશનલ ગેમ્સમાં ‘ગો ફોર ગોલ્ડ’ : ગુજરાતના ખેલાડીઓને મુખ્યમંત્રીએ જીતનો મંત્ર આપ્યો

વડાપ્રધાન શ્રી નરેન્દ્રભાઈ મોદીએ ખેલ મહાકુંભની પરંપરા શરૂ કરાવતાં આ પ્રતિભાને પ્લેટફોર્મ મળ્યું

ગુજરાતના ઘરઆંગણે યોજાઈ રહેલી ૩૬મી નેશનલ ગેમ્સમાં ભાગ લઈ રહેલા ગુજરાતના ખેલાડીઓને જીતનો મંત્ર આપતાં મુખ્યમંત્રી શ્રી ભૂપેન્દ્રભાઈ પટેલે જણાવ્યું હતું કે, ખેલાડીઓની તૈયારી અને સરકારની જવાબદારીના સંગમથી ખેલકૂદક્ષેત્રે ધાર્યું પરિણામ પ્રાપ્ત કરી શકાશે, સ્પોર્ટ્સમાં રસ ધરાવતા ગુજરાતના દરેક રમતવીરને ગુણવત્તાયુક્ત સુવિધાઓ પ્રાપ્ત કરાવવા માટે રાજ્ય સ૨કા૨ તેમની પડખે ઊભી છે. આ કાર્યક્રમમાં મુખ્યમંત્રીશ્રીએ જણાવ્યું હતું કે, આંતરરાષ્ટ્રીય સ્તરની રમતોમાં ભારતનું પ્રતિનિધિત્વ કરવા જવા માટેનો દ૨વાજો એવી નેશનલ ગેમ્સ ગુજરાતમાં યોજવાની છે ત્યારે ગુજરાતનો દરેક ખેલાડી નેશનલ ગેમ્સમાં આ ઉત્કૃષ્ટ પ્રદર્શન કરવા માટે જુસ્સા સાથે સજ્જ છે.