આર.કે. ગારમેન્ટસ: મેન્સવેરના મહારથી

અમદાવાદ એ કાપડ માર્કેટ માટે મશહૂર છે. દાયકાઓથી આ શહેરના માર્કેટમાં અનેક પેઢીઓ કામ કરી રહી છે. સ્પર્ધા અને પડકારો વચ્ચે પોતાની આગવી ઓળખ બનાવવી એ આસાન ન હતું, પણ આર.કે. ગારમેન્ટ્સ તેના ગ્રાહકલક્ષી અભિગમથી તે કરી શક્યું છે

સક્સેસ મંત્ર

“પાંચ દાયકા કરતાં વધુ સમયથી અમારી આ પેઢી સફળતાપૂર્વક ક્લોથ માર્કેટમાં છે. અમારો મુદ્રાલેખ એ છે કે દરેક ગ્રાહકને તેના બજેટ મુજબ ખરીદી માટે વિકલ્પ મળે અને તે જે ખર્ચ કરે છે તેનું સંતોષ સાથે પૂરું વળતર મળે.”

   મહેશભાઈ ગદાણી, ડિરેક્ટર, આર.કે. ગારમેન્ટ્સ, પ્રા. લિ.

શરૂઆત

અમદાવાદ એ કાપડ માર્કેટ માટે મશહૂર છે. દાયકાઓથી આ શહેરના માર્કેટમાં અનેક પેઢીઓ કામ કરી રહી છે. સ્પર્ધા અને પડકારો વચ્ચે પોતાની આગવી ઓળખ બનાવવી એ આસાન ન હતું, પણ આર.કે. ગારમેન્ટ્સ તેના ગ્રાહકલક્ષી અભિગમથી તે કરી શક્યું છે. સફળતાની સફર પાલડી પાસેના પ્રિતમનગરમાં ૧૫૦ ફૂટની ભાડાની દુકાનથી શરૂ થઈ હતી, તે હાલ અમદાવાદના પ્રિમિયર લૉકેશન શિવરંજની ચાર રસ્તા પાસેના ૬૫૦૦ સ્ક્વેર ફૂટના વિશાળ શૉરૂમ સુધી પહોંચી છે. સફળતાની આ ઇમારતના પાયામાં ઑનર મહેશભાઈ ગદાણીના પિતા રણછોડભાઈ કાનજીભાઈ ગદાણીનો પરિશ્રમ રહેલો છે. તેમણે ૧૯૬૧માં ટેલરિંગની એક નાનકડી દુકાન શરૂ કરી હતી. તેમણે વાવેલા આ બીજને તેમના પુત્ર મહેશભાઈએ સમયની સાથે તાલ મિલાવીને મહેનતનું સિંચન કરીને ઉછેરતા આ વૃક્ષ વટવૃક્ષ બન્યું છે. મેન્સવૅર ફેબ્રિક સેગમેન્ટમાં ગુજરાતમાં આટલો વિશાળ અને વિવિધતા ધરાવતો આર.કે. ગારમેન્ટ્સ શૉ-રૂમ બન્યો છે.

બ્રાન્ડ