જેકેટ અને શ્રગઃ નો રિપીટ થિયરીનો શ્રેષ્ઠ વિકલ્પ

કેટલું લાંબું જૅકેટ કે શ્રગ પસંદ કરવું તો આઉટફિટને ન્યાય આપી શકે અને પહેરનાર વ્યક્તિની પર્સનાલિટીને પણ નિખારે?

- હેતલ ભટ્ટ

રથયાત્રા એ તહેવારોની સિઝનનું પ્રતિનિધિત્વ કરે છે. રથયાત્રા જાય એટલે શ્રાવણ મહિનો શરૂ થાય અને શ્રાવણ મહિનો એટલે જુદા-જુદા તહેવારોનું આખું ફેસ્ટિવ પૅક. એ છેક દિવાળી સુધી તહેવારોની મોસમનો ગાળો અને તહેવારો એટલે સરસ મજાનું તૈયાર થવાનું-ખાવાનું-હળવામળવાનું અને જિંદગીને તરોતાજા કરવાનો મોકો. ખેર, તહેવાર આવે એટલે સૌથી મોટી ચિંતા કયા વસ્ત્રો પહેરવા તેની રહેતી હોય છે. તો એનું સરસ મજાનું સોલ્યુશન છે - જૅકેટ અથવા શ્રગ.