ફેમિલી ઝોન

વાળ-હોઠ અને નખમાં ભેજનું પ્રમાણ કેવી રીતે જાળવવું

- હેતલ ભટ્ટ

શિયાળાની ૠતુ આમ તો સ્વાસ્થ્ય માટે સૌથી ઉત્તમ માનવામાં આવે છે, પણ આ મોસમમાં વાળ, હોઠ, પગની પાની, નખ વગેરેની ત્વચાની વિશેષ દરકાર કરવી પડે છે. શરીરમાં ભેજ એટલે કે મોઇશ્વરનું પ્રમાણ અસંતુલિત થવાને કારણે અથવા ઓછું થવાને કારણે રુક્ષતાનો અનુભવ થાય છે. વાળ અને ત્વચા પર તેની તુરંત અસર જોવા મળે છે. તેથી આ ઋતુમાં શરીરમાં ભેજ અને જરૂરી પોષકતત્ત્વોનું પ્રમાણ જળવાઈ રહે તેની વિશેષ કાળજી રાખવી પડે છે. હોઠની ત્વચા રુક્ષ થવા લાગે એટલે ખ્યાલ આવી જાય કે હવે શિયાળો શરૂ થઈ રહ્યો છે. અમુકવાર આળસને કારણે આપણે વાળ અને ત્વચાની સંભાળ લેવાનું ચૂકી જતા હાઈએ છીએ. પરિણામે જ્યારે સ્થિતિ વધુ વણસે ત્યારે આપણે તેના તરફ ધ્યાન આપીએ છીએ અને પછી તેને રિપેર થવામાં વધુ સમય લાગે એટલે અધીરા બની જઈએ છીએ કે ફરી પાછા મારા વાળ અને ત્વચા પહેલાં જેવા ક્યારે થશે. ખેર, તેથી જ સમય વર્તે સાવધાન રહેવામાં સારાઈ છે.