આપણા ઋષિઓએ શબ્દબ્રહ્મની સાધના કરી છે!

જ્યારે બીજે વિશ્વમાં મનુષ્ય પોતાનું સામાન્ય જીવન જીવવાની પાયાની વાતો શીખી રહ્યો હતો ત્યારે ભારતનાં ઋષિઓએ અજોડ લીટરેચર આપણને આપ્યું.

- મિલી મેર

ઓસ્કાર વિજેતા ફ્રેંચ સ્ક્રીન રાઈટર, નોવેલીસ્ટ એવા જહોન કલાઉડી કેરિયરએ મૂળ ફ્રેન્ચમાં એક મહાનાટક લખ્યું છે. એ નાટકનું નામ છે ‘મહાભારત’. હા, એમણે આપણા મહાકાવ્ય મહાભારત પરથી જ નાટક રચ્યું છે. પીટર બ્રુક જેવા ધરખમ ઈંગ્લીશ થીયેટર ડીરેક્ટરે એ નાટક ઈંગ્લીશમાં રજુ કર્યું. વર્ષો સુધી સફળતાપૂર્વક ભજવાતું રહેલું ઇન્ટરવલ સાથે અગિયાર કલાક અને મૂળભૂત રીતે નવ કલાક લાંબા એવા આ પ્લેમાં દુનિયાભરના કલાકારોએ કામ કર્યું છે. એ પ્લેનો પડદો ખુલે છે ત્યારે એની શરૂઆત એવી રીતે થાય છે કે ધીરગંભીર ચાલે મહર્ષિ વેદવ્યાસ હાથમાં મોટુ પુસ્તક લઈને પ્રવેશે છે. એમની સામે એક આજનો બાળક આવે છે. એ બાળક મહર્ષિ વેદવ્યાસને પૂછે કે, “આ શું છે?”. વેદવ્યાસ કહે છે કે, “મેં મહાકાવ્ય રચ્યું છે’’...બાળક પૂછે છે કે, “કેમ?” વેદવ્યાસ બાળકના હૃદય પર આંગળી મૂકીને કહે છે કે, “‘કેમ?’