ચર્નિંગ ઘાટ

સ્માર્ટલી કર્મ કરવાની ટિપ્સ

- ગૌરાંગ અમીન

મન કોઈ સૂક્ષ્મદર્શકયંત્ર વડે જોઈ શકતું નથી, છતાં મન કેવું હોય તે અંગે દરેક માનવી થોડું કે વધારે કહી શકે છે. એ દરેક મન વિષે કહેવામાં મન વાપરે છે અથવા એમનું મન પોતે પોતાના વિષે જણાવે છે. જીવનમાં દુઃખ ઘટાડવા અને સુખ વધારવા મનને કેવી રીતે કામમાં લેવું તે અંગે ઘણું લખાઈ ચૂક્યું છે. પ્રગતિ કરવા મોટિવેશ્નલ સ્પિકર્સની વાણી સાંભળનારા ઘણા છે, જે ઑલરેડી સફળ છે તેને એ બધું ખાસ કામમાં ના આવે. જેમનું જીવન અમુક હદથી વધુ વિકાસ કરી શકે તેમ નથી એવી જેમને ખાતરી છે તેમના માટે પણ એ નકામું. જોકે સમય જતાં સૌ માટે સંસારમાં હો ત્યાંથી ઊંચે જવા સિવાય શાંતિ, સંતોષ, આનંદ મહત્ત્વનાં સાબિત થાય છે. સુરક્ષિત ફિલ કરવું યા ભય દૂર કરવો કામનું. સ્ટેટ ઑફ માઇન્ડ યોગ્ય કરવા માટે સ્ટ્રેટેજી જોઈએ. અક્કલનું વર્તન કેવું હોવું જોઈએ? લાઇફમાં પાયાનો અભિગમ નક્કી કરવા શું ધ્યાનમાં રાખવું? ચિત્ત બરાબર કરવા માટેની ગાઇડ લાઇન્સ શું? પોતાના કર્મની ગતિ વધુ કાર્યક્ષમ થવા સાથે આધ્યાત્મિક બને તે માટે કયા પોઇન્ટ્સ ટિક કરવા જોઈએ?