ફેમિલી ઝોન બ્યુટી,

મેકઅપ સ્ટાઇલમાં મળી રહ્યા છે જુદા જુદા વિકલ્પો

- હેતલ ભટ્ટ

સામાન્ય કહી શકાય એવો નાનો પ્રસંગ હોય કે લગ્ન જેવો મહત્ત્વનો પ્રસંગ માનુનીઓ માટે સુંદર દેખાવવું એ હંમેશાંથી વત્તાઓછા અંશે પ્રાથમિકતા રહી છે. રોજિંદા દિવસોમાં પણ મહિલાઓ હળવો મેકઅપ કરવાનું પસંદ કરતી હોય છે ત્યારે જ્યારે મહત્ત્વના પ્રસંગો હોય ત્યારે તો મેકઅપની પસંદગીને લઈને તેઓ ખૂબ ચીવટ અને કાળજી રાખે એ સ્વાભાવિક જ છે. જોકે મેકઅપ, બ્યુટી અને કોસ્મેટિકની દુનિયા પણ ખૂબ ઝડપથી વિકસી રહી છે. રોજ-રોજ કંઈક નિતનવી પ્રોડક્ટ, ટેક્નોલોજી ઉમેરાતા જોવા મળે છે. પ્રોડક્ટ જ કેમ, મેકઅપ કરવાની ટેકનિકમાં પણ સમયાંતરે કોઈ નવો વિકલ્પ માનુનીઓને મળતો રહે છે. મેકઅપ કરવો એટલે લિપસ્ટિક લગાડવી, કાજલ કરવી કે પાઉડર લગાડવો એ પરિભાષા હવે બદલાઈ ચૂકી છે. મેકઅપની દુનિયા એટલી વિસ્તરી છે કે પ્રસંગોને અનુરૂપ મેકઅપ કરવાની જુદી-જુદી સ્ટાઇલનો વિશાળ ખજાનો હવે . ઉપલબ્ધ બન્યો છે. એક સમય હતો જ્યારે એચડી મેકઅપની બોલબાલા હતી. આજે પણ એચડી મેકઅપ સ્ટાઇલનો ઉપયોગ થાય જ છે, પણ વર્તમાન સમયમાં મેટ મેકઅપ, મિનિમલ મેકઅપ કે ડ્યુઇ મેકઅપ સ્ટાઇલે લીધું છે.

મેટીફાઇંગ લૂક આપતો મેકઅપ ઇન ટ્રેન્ડ છે. ખાસ કરીને લગ્નમાં આ પ્રકારના મેકઅપની બોલબાલા છે. ડાર્ક મેકઅપના સ્થાને હવે હળવો મેકઅપ લોકપ્રિય બની રહ્યો છે અને મેટ મેકઅપ તેનું જ ઉદાહરણ છે. મેટ લૂકનો કી ફીચર એ છે કે તે એ ચહેરાના નેચરલ ફીચરને હાઇલાઇટ કરે છે. લગ્ન જેવા મહત્ત્વના પ્રસંગ હોય કે અન્ય માંગલિક પ્રસંગો મેટ મેકઅપ નેચરલ બ્યુટીને હાઇલાઇટ કરે છે. મેટ મેકઅપ એટલો હળવો હોય છે કે ત્વચાને એકદમ લાઇટ ફીલ કરાવે છે, તેમ જ સ્મૂધ ફિનિશ પણ આપે છે.

એચડી મેકઅપ