વિઝા વિમર્શ, ડો.સુધીર શાહ

યુએસએ વિઝા વિન્ડો (૪)

- ડો.સુધીર શાહ

તમે તમારા વ્યવસાયમાં, તમારા કાર્યમાં કોઈ જાતની પ્રસિદ્ધિ મેળવી છે? તમે તમારી જાતને અસાધારણ આવડત ધરાવનારી વ્યક્તિ તરીકે કહેવડાવી શકો એમ છો? જો એમ હોય તો તમે અમેરિકાના નોન-ઇમિગ્રન્ટ શ્રેણીના ‘ઓ-૧' વિઝા મેળવવાને લાયક છો. એ મેળવીને તમે ત્રણ વર્ષ સુધી અમેરિકામાં રહી શકો છો. અમુક સંજોગોમાં તમે એ સમય લંબાવી પણ શકો છો. ‘ઓ-૧’ વિઝા મેળવવા માટે સૌપ્રથમ અમેરિકામાં આઈ-૧૨૯ આ સંજ્ઞા ધરાવતી પિટિશન દાખલ કરવાની રહે છે. એ પ્રોસેસ થઈને એપ્રૂવ થાય ત્યાર બાદ જેના લાભ માટે એ પિટિશન દાખલ કરવામાં આવી હોય એ વ્યક્તિ એના દેશમાં આવેલ અમેરિકન કોન્સ્યુલેટમાં ફોર્મ ડીએસ-૧૬૦ ભરીને, કોન્સ્યુલેટમાં જાતે હાજર રહીને, ઇન્ટરવ્યૂ આપીને, કોન્સ્યુલર ઓફિસરોને ખાતરી કરાવી આપીને કે એ ખરેખર સિદ્ધિહસ્ત વ્યક્તિ છે, એ પોતાની જાતને એક્સ્ટ્રા ઓર્ડિનરી ગણાવી શકે એવી એનામાં કાબેલિયત છે એટલે એને ‘ઓ૧’ વિઝા આપવામાં આવે છે.