પામ્યું નથી પમાતું...

ડૉ. જે.જે. રાવલ જેવા ખગોળવિજ્ઞાની વાત માંડ ત્યારે આપણને અજાયબ બ્રહ્માંડનો આછોઅમથો ખયાલ આવે તો આવે

- હિતેન આનંદપરા

ફોગટ કરે મથામણ માણસ અહીં યુગોથી

પાતાળનું હજીયે તળિયું નથી તગાતું

પાંખો વિના વિહરતું, એ તત્ત્વ છે અગોચર

પકડી નથી શકાતું, પામ્યું નથી પમાતું.

                                – નીતિન વડગામા

આપણે સુગંધને માણી શકીએ છીએ, પણ જોઈ શકતા નથી. મૂર્તિનાં દર્શન કરી શકીએ છીએ, પણ અમૂર્તને આપણા ચર્મચક્ષુ ઓળખી શકતા નથી. દરિયાને જોઈ શકીએ છીએ, પણ તળિયાને તાગી શકતા નથી. ઈશ્વરે એવા અફાટ વિશ્વનું સર્જન કર્યું છે જેનો આપણે એક નાનકડો હિસ્સો છીએ. ડૉ. જે.જે. રાવલ જેવા ખગોળવિજ્ઞાની વાત માંડ ત્યારે આપણને અજાયબ બ્રહ્માંડનો આછોઅમથો ખયાલ આવે તો આવે.