સફળ સારવારનું સરનામું: દેવસ્ય હૉસ્પિટલ

જાણીતા યુરોલૉજિસ્ટ, એન્ડ્રોલૉજિસ્ટ અને કિડની સર્જન ડૉ. દિનેશ પટેલના અનુભવ અને દૂરંદેશી દૃષ્ટિથી ‘દેવસ્ય કિડની અને મલ્ટિ સુપર સ્પેશિયાલિટી હૉસ્પિટલ’ની ખ્યાતિ વિસ્તરી રહી છે.

ગુજરાતભરમાં સૌથી વધુ અત્યાધુનિક અને કૉર્પોરેટ હૉસ્પિટલો વર્લ્ડ હેરિટેજ સિટી અને સ્માર્ટ સિટી અમદાવાદમાં આવેલી છે. અમદાવાદમાં આખા ગુજરાત અને બીજાં રાજ્યોથી માંડીને પરદેશના પણ અનેક દર્દીઓ જુદા જુદા રોગોની સારવાર લેવા માટે આવે છે. અમદાવાદને મળેલી આ ખ્યાતિમાં દેવસ્ય કિડની અને મલ્ટિ સુપર સ્પેશિયાલિટી હૉસ્પિટલનો પણ ફાળો છે.

એનું કારણ એ છે કે દેવસ્ય કિડની અને મલ્ટિ સુપર સ્પેશિયાલિટી હૉસ્પિટલે ખાસ કરીને કિડની અને અન્ય જટિલ રોગોના દર્દીઓને શ્રેષ્ઠતમ અને સંપૂર્ણ સારવાર આપી છે. એ સારવારમાં દર્દીઓએ શ્રદ્ધા દાખવી છે અને સંતોષ પણ વ્યક્ત કર્યો છે. એનો સઘળો યશ ગુજરાતના જાણીતા યુરોલૉજિસ્ટ, સંચાહક છે. એ એન્ડ્રોલૉજિસ્ટ અને સુપર સ્પેશિયાલિસ્ટ કિડની સર્જન ડૉ. દિનેશ પટેલને જાય છે. એ દેવસ્ય કિડની અને મલ્ટિ સુપર સ્પેશિયાલિટી હૉસ્પિટલ્સના સ્થાપક અને સંચાલક છે. એ ટ્રિપલ ગ્રૅજ્યુએટ થયેલા છે તથા અમદાવાદની જાણીતી બી.જે. મેડિકલ કૉલેજમાં ૧૪ વર્ષ અભ્યાસ કરીને કિડની, પેશાબ, વંધ્યત્વ અને સેક્સના રોગોમાં એમણે M.Ch. (યુરોલૉજી)ની ડિગ્રી મેળવી છે.

એમણે વર્ષ ૧૯૯૪માં અમદાવાદના વાડજ વિસ્તારમાં દેવસ્ય કિડની હૉસ્પિટલ શરૂ કરી હતી. સાહસ નાનું હતું અને લક્ષ્ય નિશ્ચિત હતું. એમ પણ કહી શકાય કે મહત્ત્વાકાંક્ષા અપાર હતી. આ માટે એમણે સંઘર્ષ કર્યો. આ અરસામાં દેશ-વિદેશમાં જઈને નિષ્ણાત તબીબો પાસે તાલીમ મેળવી. એ અનુભવના બળે અસંખ્ય દર્દીઓની સફળ સારવાર કરી. સાથોસાથ કેટલાક તબીબોને કિડની સ્ટોન માટે Mini PCNL અને RIRS ટેક્નોલૉજી તથા કિડનીના રોગો માટે લેપ્રોસ્કોપિક સર્જરીની તાલીમ આપી.

ડૉ. દિનેશ પટેલ કિડની અને યુરોલૉજીના રોગોની સારવારના નિષ્ણાત લેપ્રોસ્કોપિક અને એન્ડોસ્કોપિક સર્જન છે. એમણે વ્યવસાયી દૂરંદેશી અને દર્દીની સારવારની સદ્ભાવના દાખવીને થોડાં વર્ષથી વાડજની દેવસ્ય કિડની હૉસ્પિટલને આધુનિક સુવિધાપૂર્ણ અને  વિશ્વસ્તરીય કક્ષાની દેવસ્ય મલ્ટિ સુપર સ્પેશિયાલિટી હૉસ્પિટલ્સ બનાવી છે.