૧૦૫ નોટઆઉટ!

આ ઉંમરે એમને ચશ્માં નથી. ૬૩ સભ્યોનો એમનો બહોળો પરિવાર છે. એમણે આખી જિંદગીમાં એકેય ફિલ્મ જોઈ નથી, પણ દેશભરનું ભ્રમણ કરી એમણે દેવદર્શનનો લાભ લીધો છે. મળો, કોવિડ જેવી બીમારીને માત આપી હમણાં જીવતે જગતિયું કરનારાં સુરતનાં રળિયાતબહેનને.

- અરવિંદ ગોંડલિયા

ચાર ધામ, કાશી, ગોકુળ-મથુરા-વૃંદાવન, સોમનાથ, દ્વારિકા, રામેશ્વરમ્ સહિત દેશનાં મોટા ભાગનાં ધાર્મિક સ્થળે એમણે દર્શનનો - લાભ લીધો છે. હૃદ૨વા વધુ કુંભમેળા લાભ લીધો છે. પંદરથી વધુ કુંભમેળા પણ માણ્યા છે. જીવનની અનેક લીલી-સૂકી જોઈ ચૂકેલી એમની આંખે હજી ક્યારેય સિનેમાનો પડદો જોયો નથી. જો કે આંખ એટલી પાણીદાર છે કે એમને હજી ચશ્માંની જરૂર પડી નથી. એકસો ને પાંચ વર્ષની ઉંમરે એ આજેય સોયમાં દોરો પરોવી શકે છે. એમને ચાલવા હવે વૉકરની જરૂર પડે છે, પણ મગજ હજી તેજ ગતિથી દોડી રહ્યું છે ને દીકરા-વહુઓ અને પૌત્ર-પ્રપૌત્ર બધાંને ઓળખી બતાવે એવું તેજ.

આપણે અત્યારે મળી રહ્યા છીએ.. હા, ઉપર તમે સાચું જ વાંચ્યુંઃ એકસો પાંચ વર્ષની ઉંમરનાં રળિયાતબહેન ધનજીભાઈ સાચપરાને. સુરતના મોટા વરાછામાં એ રહે છે. હર્યોભર્યો સંસાર છે. આ ઉંમરે પણ ળિયાતબહેનને એકેય બીમારી નથી. ગયા વર્ષે કોરોના વાઈરસ આપણે ત્યાં હજારો લોકોનો ભોગ લઈ ગયો, પણ આ માજીએ ૧૦૪ની ઉંમરે વાઈરસને હંફાવી દીધો. કોવિડની બીમારીએ એમને પહેલી વાર હૉસ્પિટલ દેખાડી, પણ એ તો દસ દિવસમાં પાછાં ઘરે આવી ગયાં! એમને મળનારાને પહેલો સવાલ, સ્વાભાવિકપણે એ જ થાયઃ શું છે તમારી ટનાટન તબિયતનું રહસ્ય?

વ્યક્તિની હયાતી ન હોય ત્યારે જે વિધિ થાય એ બધી વિધિનાં સાક્ષી રળિયાતબહેન બન્યાં એમના ‘જીવતે જગતિયું’ નિમિત્તેના કાર્યક્રમમાં.