ડૉક્ટર વકીલ ‘ચોકઠું’ એ રીતે ગોઠવવાનું હતું કે એક છોકરાને એ ધિક્કારે.. અને બીજાના પ્રેમમાં પડી જાય!

પુલીસ પૂછેગી તબ સબ યાદ આ જાયેગા કી કૌન સા વાર થા ઔર ટાઈમ ક્યા થા?

- રાજુ પટેલ

સમસ્યા આ વખતે બહારથી નથી આવી, સમસ્યા અહીં જ છે.'

દિવાળીમાં લંડન પોતાના સાસરે ફરવા જઈ આવેલા અમારા બૉસ મોતીવાલાએ આવીને પહેલા જ દિવસે અમારા આખા સ્ટાફની મીટિંગ બોલાવી હતી. મોતીવાલાએ ઉમેર્યું: ‘મારી સાળી પરિણીતી લંડનથી મારી સાથે આવી છે. પરિણીતી.. એક સમસ્યા અને એને જોડાયેલા ત્રણ પ્લાન છે.’ કહી મોતીવાલાએ વિગત જણાવી.

પરિણીતીનાં મા-બાપ ચાહતાં હતાં કે એમના સર્કલના ફેનિલ નામના એક યુવાન વકીલ જોડે પરિણીતીનાં લગ્ન જોડાઈ જાય અને એ માટે એ લોકોએ પરિણીતીને અહીં મોકલી હતી. આ એમનો પ્લાન.

પરિણીતીને લગ્નમાં કોઈ રસ નહોતો. એ મોતીવાલા કન્સલ્ટન્સીમાં જોડાઈને અહીંના લોકોની સમસ્યા સમજવા માગતી હતી અને એના ઉકેલમાં ભાગ લેવા માગતી હતી, પણ આ કામ માટે એનાં મા-બાપ એને ભારત ન મોકલે. છેવટે લગ્ન માટે પોતે છોકરાને મળવા તૈયાર છે એવો દેખાવ કરી પરિણીતી અહીં આવી હતી. પછી છોકરાને ના પાડી મોતીવાલા કન્સલ્ટન્સીમાં પરિણીતીનો પ્લાન.

- અને મોતીવાલાને આ બન્ને પ્લાન સામે વાંધો હતો. ફેનિલ નામનો મુરતિયો એમને દીઠો ગમતો નહીં. એ એમને અભિમાની અને તોછડો યુવાન લાગતો. એવા યુવાનને એ પોતાના સાઢુભાઈ તરીકે કલ્પી નહોતા શકતા. પરિણીતી પણ એમને ચિબાવલી, માથે ચઢાવેલી, જિદ્દી છોકરી લાગતી, જે કન્સલ્ટન્સીમાં રોજનો ત્રાસ ઊભો કરશે એવી એમને શંકા જ નહીં, ખાતરી હતી એટલે એ કન્સલ્ટન્સીમાં પણ પરિણીતીને રાખવા તૈયાર નહોતા.

આથી એમણે પોતાનો એક ત્રીજો પ્લાન બનાવ્યો હતોઃ પરિણીતીનું ચોકઠું ફૅમિલી સર્કલમાંના યુવા ડૉક્ટર પ્રથમ જોડે ગોઠવી દેવું. આ પ્રથમ લગ્ન કરવા માટે યોગ્ય કન્યાની શોધમાં હતો અને લગ્ન પછી ચારેક મહિનામાં એ પુણે ખાતે પોતાની હૉસ્પિટલ ખોલવા માગતો હતો. પરિણીતી મુંબઈમાં ન રહે એ મોતીવાલાને ગમતી વાત હતી.

મોતીવાલાનો પ્લાન હતો કે પ્રથમ અને પરિણીતીની મુલાકાત થાય એવું કંઈક એ ગોઠવે. પેલા તોછડા વકીલ ફેનિલની તો પરિણીતી સાથે મુલાકાત નક્કી જ હતી. હવે એવું કશુંક બનવું જોઈએ કે પરિણીતી ફેનિલને રિજેક્ટ કરે અને પ્રથમના પ્રેમમાં પડે, જેથી ન તો પરિણીતી ફેનિલ સાથે પરણીને મુંબઈ રહે કે ન એ ફેનિલને નકારી અમારી કન્સલ્ટન્સીમાં કામ કરે, પણ પ્રથમને પરણીને પુણે જતી રહે.

અમારે બધાએ આ કામ કરવાનું હતું: પરિણીતીને ફેનિલ તરફ અણગમો થાય અને પ્રથમ એને ગમવા માંડે.