പ്രഭാതസവാരി

"നിങ്ങൾ സത്യം പറയുന്നില്ലെങ്കിൾ ഇവിടെ ചികിത്സയില്ല, നിങ്ങൾക്ക് പോകാം.

നേരം പുലരുന്നേയുളളു, പൗലോ രണ്ടു കൈകളും നീട്ടി വീശി കുതിച്ചു നടക്കുകയാണ്. സംഭവം മറ്റൊന്നുമല്ല ഊളങ്കേറാമൂലയിൽ ഇന്നലെ ഒരു മെഡിക്കൽ ക്യാമ്പ് ഉണ്ടായിരുന്നു. മേരി ഒരുപാട് നിർബന്ധിച്ചാണ് പിടിച്ചു വലിച്ച് പൗലോയെ കൊണ്ടുപോയത്. പരിശോധനയുടെ ഫലം വന്നപ്പോൾ ഞെട്ടിയത് മേരിയാണ്. പൗലോക്ക് ഫാസ്റ്റിംഗ് ഷുഗർ 160, കൊളസ്ട്രോൾ 300, പ്രഷർ ആണങ്കിൽ 100-140. ആകെ കുഴപ്പമായി.

മെഡിക്കൽ സംഘത്തിലുളള ഒരു ഡോക്ടർ നാട്ടുകാരനാണ്. അദ്ദേഹം പൗലോയെയും,മേരിയെയും അടുത്തേക്ക് വിളിച്ചു. റിസൾട്ട് വിശദമായി പരിശോധിച്ചു. എന്നിട്ട് ചോദിച്ചു.

"പൗലോ എന്നല്ലേ പേര്
"അതെ സാറെ
“എത്ര വയസ്സായി നാൽപ്പത്തിരണ്ട് "ആരോഗ്യം തീരെ ശ്രദ്ധിക്കാറില്ല അല്ലെ ? എല്ലാം നോർമൽ ലെവലിന് വെളിയിൽ ആണല്ലോ, വ്യായമം ഒട്ടുമില്ല, നിങ്ങൾക്ക് മരം വെട്ടല്ലേ ജോലി' ? “അതെ സാറേ

"അത് നല്ല വ്യായമം ആണല്ലോ "ആരുന്നു പണ്ട്, ഇപ്പോൾ ഇലക്ട്രിക് വാളാണ് സാറെ, മരത്തിന്റെ ചോട്ടിൽ വെച്ചു കൊടുത്താൽ മതി, അത് മുറിച്ചോളും "അതാ കുഴപ്പം, നിങ്ങളുടെ ഹോബി എന്തൊക്കെയാണ് ? ഹോബി എന്നു പറഞ്ഞത് പൗലോക്ക് മനസ്സിലായില്ല, താല്പര്യമുളള മറ്റു കാര്യങ്ങൾ എന്നാണ് അർത്ഥമെന്ന് കൂടെയുള്ള നേഴ്സ് പറഞ്ഞു കൊടുത്തു.

"അങ്ങനെ ചോദിച്ചാൽ, പാപ്പീടെ ഷാപ്പിലെ കളളാണ് എന്റെ ഹോബി.