പരിഷ്കരണവഴിയിൽ ഇന്ത്യൻ ശിക്ഷാനിയമം

ഇന്ത്യൻ ശിക്ഷാനിയമവും ക്രിമിനൽ നടപടിക്രമങ്ങളും കേന്ദ്രസർക്കാർ പരിഷ്കരിക്കാനൊരുങ്ങുകയാണ്. ഇതോടെ ഒന്നര നൂറ്റാണ്ടോളം പഴക്കമുള്ള ശിക്ഷാനിയമത്തിൽ കാര്യമായ മാറ്റം വരും

- സുരേഷ് വണ്ടന്നൂർ

ബ്രിട്ടീഷുകാർ ഇന്ത്യ വിട്ട് നൂറ്റാണ്ട് പിന്നിട്ടിട്ടും അവർ നിർമിച്ച ഇന്ത്യൻ ശിക്ഷാനിയമം ഒരു മാറ്റവും വരുത്താതെ രാജ്യം ഇപ്പോഴും പിന്തുടരുകയാണ്. ഇതിന് കാലോചിതമായ മാറ്റം അനിവാര്യമാണെന്നും രാജ്യത്തിന്റെ നിലവിലെ അവസ്ഥയൊത്ത് നിയമം പുതുക്കണമെന്നുമുള്ള ആവശ്യം  പല കോണുകളിൽനിന്നും കാലങ്ങളായി ഉയരുന്നുണ്ട്. ഇപ്പോൾ കേന്ദ്രസർക്കാർ ഇതിനുള്ള ഒരുക്കത്തിലാണ്. വിവിധ മേഖലകളിലെ വിദഗ്ധരുമായി ഇതുസംബന്ധിച്ച തിരക്കിട്ട ആലോചനകൾ നടക്കുകയാണ്.

രാജ്യത്തെ കുറ്റവാളികളുടെ എണ്ണം കൂടിവരുന്നതായാണ് കണക്കുകൾ പറയുന്നത്. പല കുറ്റവാളികളും നിയമത്തിലെ പഴുതുകളുപയോഗപ്പെടുത്തി രക്ഷപ്പെടുന്നുണ്ട്. നിയമത്തിന്റെ അപര്യാപ്തതയും കാലാനുസൃതമായ പരിഷ്ക്കരണം നടക്കാത്തതുമാണ് ഇതിന്റെ പ്രധാന കാരണം. ഈ പശ്ചാത്തലത്തിലാണ് നിയമപരിഷ്ക്കരണം പ്രസക്തമാകുന്നത്.

ഐ.പി.സി.യും സി.ആർ.പി.സി.യും

ഒന്നര നൂറ്റാണ്ടിലേറെ പഴക്കമുള്ളതും ബ്രിട്ടീഷ് കൊളോണിയൽ ഭരണകാലത്ത് നിലവിൽ വന്നതുമായ ഒന്നാണ് ഇന്ത്യൻ ശിക്ഷാനിയമം (ഇന്ത്യൻ പീനൽ കോഡ് - ഐ.പി.സി.). 1974 ഫെബ്രുവരി 25-നാണ് ക്രിമി നൽ നടപടിക്രമം (ക്രിമിനൽ പ്രൊസീജർ കോഡ് - സി.ആർ.പി.സി.) നിലവിൽവന്നത്. ഇന്ത്യൻ ശിക്ഷാനിയമം നടപ്പാക്കുന്നതിനെക്കുറിച്ചാണ് ക്രിമിനൽ നടപടിക്രമത്തിൽ പ്രതിപാദിക്കുന്നത്.

ഇന്ത്യയിൽ ക്രിമിനൽ കുറ്റങ്ങൾ ചെയ്യുന്നവർക്ക് നൽകുന്ന ശിക്ഷകളെപ്പറ്റി പ്രതിപാദിക്കുന്ന നിയമസംഹിതയാണ് ഐ.പി.സി. ഐ.പി.സി. നടപ്പാക്കുന്ന നിയമമാണ് സി.ആർ.പി.സി.യിലുള്ളത്.

ചരിത്രം