டூரிங் டாக்கீஸ்

துருவ் விக்ரமை வைத்து 'பைசன்' என்ற படத்தை இயக்கிவரும் மாரி செல்வராஜ், அடுத்ததாக கார்த்தியை வைத்து ஒரு படம் இயக்கவுள்ளார்.

- கவிதாசன் ஜெ.

தள்ளிப் போகும் தனுஷ்!

துருவ் விக்ரமை வைத்து 'பைசன்' என்ற படத்தை இயக்கிவரும் மாரி செல்வராஜ், அடுத்ததாக கார்த்தியை வைத்து ஒரு படம் இயக்கவுள்ளார். இந்த படத்திற்கான ஸ்கிரிப்ட் ஒர்க்கை சமீபத்தில் முடித்த மாரி செல்வராஜ், அடுத்த ஆண்டு மார்ச் மாதத்தில் படப்பிடிப்பை தொடங்க திட்டமிட்டுள்ளார். இதனிடையே விஜய் சேதுபதியை அவர் சந்தித்துள்ளார். அப்போது ஒரு ஒன் லைன் கூற, அது விஜய் சேதுபதிக்கு பிடிக்க உடனே நடிப்பதாக ஓகே சொல்லிவிட்டார். மேலும், முழு திரைக்கதையை எழுதி முடித்தவுடன் மீண்டும் நாம் சந்திப்போம் எனக் கூறியுள்ளார். இதனால் கிடைக்கும் நேரத்தில் இந்த ஸ்கிரிப்ட் ஒர்க் பணியிலும் ஈடுபட்டு வருகிறார் மாரி செல்வராஜ். இந்த கதையையும் அவரது வாழ்க்கையில் நடந்த ஒரு சம்பவத்தின் பின்னணியில் எழுதவுள்ளார். கார்த்தி படத்தை முடித்துவிட்டு விஜய் சேதுபதி படத்தை தொடங்கவுள்ளார். இதனால் அவர் ஏற்கெனவே இயக்கவுள்ள தனுஷ் படம் தள்ளிப் போகிறது.