மிரட்டும் பா.ஜ.க.! பதறும் அ.தி.மு.க.!

“ஹலோ தலைவரே... அர்ஜுன் ரெட்டி பற்றிய செய்தி கேள்விப்பட்டீங்களா?”

“ஆமாப்பா... அர்ஜுன் ரெட்டியும், விஜய் கட்சியில் பதவி வாங்கணும்னு தவிக்கிறாராமே?”

“ஆமாங்க தலைவரே, தி.மு.க.வை விமர்சித்ததால் விடுதலை சிறுத்தைகள் கட்சியிலிருந்து ஒழுங்கு நடவடிக்கை எடுக்கப்பட்ட அர்ஜுன் ரெட்டி, இப்போது தன் 'வாய்ஸ் ஆஃப் காமன்' அமைப்பை வலுப்படுத்தும் முயற்சியில் தீவிரம்காட்டி வருகிறாராம். இப்போதும் அவர் கவனம் முழுதும் விஜய்யின் த.வெ.க.வில் சேர்ந்து, மாநில அளவில் ஒரு பதவியைப் பெறுவதுதானாம். அதற்காக, சமூக வலைதளங்களில் நியூட்ரலாக, தங்கள் கருத்தை எழுதிவரும் இளைஞர்களைத் தேர்வு செய்து, அவர்களைவிட்டு நடிகர் விஜய்க்கு ஆதரவான கருத்துக்களை எழுதிப் பரப்புங்கள் என்று சொல்கிறாராம். இப்படிச் செய்வதன் மூலம் விஜய்யின் மனதை பெரிதும் கவரலாம் என்பது அவரது நம்பிக்கையாம். ஆனால் இவரது முயற்சிகள் நடிகர் விஜய்யிடம் பலிக்காது. அவர் செய்வது வீண் முயற்சி என்கிறது விஜய் தரப்பே.”

“பா.ஜ.க. ஆதரவோட புதுச்சேரியில் ஆதிக்கத்தை நிலைநாட்ட லாட்டரி குடும்பத்தினர் தீவிரமாக செயல்படுகிறார்களாமே?”

“ஆமா தலைவரே, தமிழ்நாட்டில் தனது மருமகன் அர்ஜூன் ரெட்டி மூலமாக நகர்த்திய காய்கள் வெட்டுப்பட்டுவிட்டதால், புதுச்சேரியில் தனது மகன் சார்லஸை அரசியலில் முன்னிலைக்கு கொண்டுவர பலவிதமாகக் காய்களை நகர்த்திவருகிறார் லாட்டரி அதிபர் மார்ட்டின். பா.ஜ.க. ஆதரவுடன், தனது மகனுக்கு துறைமுக ஒப்பந்தம் உள்ளிட்ட பல்வேறு சலுகைகளை செய்து தந்துள்ள புதுச்சேரி எம்.எல்.ஏ.க்களான ஜான்குமார், ரிச்சர்ட் ஆகிய இரு லாட்டரி அதிபர்களை வைத்து 2026 தேர்தலை எதிர்கொள்ளத் தயாராகிவருகிறாராம். இந்த

கோவாவில் சுற்றுலா படகு கடலில் கவிழ்ந்து விபத்து: ஒருவர் பலி

இருவரும், நமச்சிவாயத்தோடு அதிருப்தியில் இருப்பவர்களாம். புதுச்சேரியில் பா.ஜ.க. தனித்துப் போட்டியிட்டால் சார்லஸை முதலமைச்சராக்கிவிட வேண்டும் என்ற திட்டத்தையும் கைவசம் வைத்திருக்கிறாராம்.

காமராஜர் நகர் தொகுதி எம்.எல்.ஏ.வான ஜான் குமார், தன்னுடைய தொகுதி யையோ, தன்னுடைய மகன் விவிலி யன் ரிச்சர்ட் தொகுதியான நெல்லித் தோப்பு தொகுதியையோ விட்டுக் கொடுத்து, அந்த தொகுதியில் சார்லஸை நிறுத்தத் திட்டமிட்டுள்ளனர். அதற்கு முன்னோட்டமாக சமீபத்தில் ஒரு தொண்டு நிறுவன நிகழ்ச்சியை நடத்தி அதன்மூலம்நலத்திட்ட உதவிகளை வழங்கி பிரமாண்டப் படுத்தியிருக்காராம் சார்லஸ்.”