மது குடிக்க அழைத்துச் சென்று நண்பர் சரமாரி குத்திக்கொலை

மெட்ரோ பார்க்கிங்கில் விட்ட பைக்கை ₹77,000 செலுத்தி எடுத்து தரும்படி கூறி நச்சரிப்பு செய்த நண்பரை மதுகுடிக்க அழைத்துச் சென்று, கத்தியால் சரமாரியாக குத்திக் கொலை செய்த வாலிபர் கைது செய்யப்பட்டார். கொசப்பூரில் இது பெரும் பரபரப்பை ஏற்படுத்தியுள்ளது.

மணலி புதுநகர் அருகே நாப்பாளையம் பகுதியைச் சேர்ந்தவர் ஜோசப் திலீப் குமார் (23). கான்ட்ராக்ட் தொழிலாளி. எண்ணூர் பகுதியைச் சேர்ந்தவர் ஜெயம் (20). இவர் மீது திருட்டு வழக்கு ஒன்று உள்ளது. இருவரும் நண்பர்கள். கடந்த சில தினங்களுக்கு முன்பு ஜோசப் திலீப் குமார் தனது மோட்டார் பைக்கை ஜெயம் வாங்கிச் சென்றுள்ளார். அந்த பைக்கை திருமங்கலம் மெட்ரோ ரயில் ஸ்டேஷன் பார்க்கிங்கில் நிறுத்திவிட்டு வெளியூர் சென்றுள்ளார்.

பின்னர் பல நாட்கள் ஆகியும் அந்த பார்க்கிங்கில் இருந்து பைக்கை ஜெயம் திருப்பி எடுத்து கொடுக்கவில்லை. பலமுறை கேட்டும் எடுத்து தராததால், மோட்டார் பைக்கை தானே எடுத்துவிட முடிவு செய்து, ஜோசப் திலீப் குமார் திருமங்கலம் மெட்ரோ ரயில் நிலைய பார்க்கிங் மையத்திற்கு சென்றுள்ளார்.