ஒரே நாடு ஒரே தேர்தல் ஒன்றிய அமைச்சரவை ஒப்புதல் - எதிர்க்கட்சிகள் கடும் எதிர்ப்பு

புதுடெல்லி, செப். 19: "ஒரே நாடு ஒரே தேர்தல்" திட்டம் தொடர்பாக முன்னாள் ஜனாதிபதி ராம்நாத் கோவிந்த் தலைமையிலான உயர்மட்ட குழுவின் அறிக்கைக்கு ஒன்றிய அமைச்சரவை ஒப்புதல் அளித்தது. இதற்கு எதிர்க்கட்சிகள் கடும் எதிர்ப்பு தெரிவித்து உள்ளன.

நாடு சுதந்திரம் அடைந்த பிறகு, புதிய அரசியல் சட்டத்தின் கீழ் முதல் பொதுத் தேர்தல் கடந்த 1952ம் ஆண்டில் நடத்தப்பட்டது. அது முதல் 1962 வரை மக்களவைக்கும், மாநில சட்டப்பேரவைகளுக்கும் ஒன்றாகவே தேர்தல் நடத்தப்பட்டது. பின்னர், ஆட்சிக் கவிழ்ப்பு உள்ளிட்ட காரணங்களால் சில மாநிலங்களில் முன்னாள் தேர்தல் நடத்த வேண்டிய சூழல் உருவானது. தற்போது மக்களவை மற்றும் சட்டப்பேரவை தேர்தல்கள் வெவ்வேறு நேரங்களில் நடத்தப்படுகின்றன. இதனால், அரசுக்கு அதிக செலவாகிறது. தேர்தல் பணிகளை மேற்கொள்ள அரசு ஊழியர்களின் நேரமும் விரயமாகிறது. தேர்தல் நடத்தை விதிமுறைகள் அமல்படுத்தப்படுவதால், வளர்ச்சித் திட்ட பணிகளிலும் இடையூறு ஏற்படுவதாக பாஜ கூறி வருகிறது.

18,626 பக்க அறிக்கையே இந்த திட்டத்தை, நாடு முழுவதும் ஒரே நேரத்தில் மக்களவை, மாநில சட்டப்பேரவைகள், ஊராட்சி அமைப்புகளுக்கான தேர்தல்களை நடத்தும் "ஒரே நாடு, ஒரே தேர்தல்" திட்டமாகக் குறிப்பிடுகிறது. பாஜ அரசு 2014ம் ஆண்டில் இருந்து இதனை வலியுறுத்தி வருகிறது. இது பாஜவின் முக்கியமான தேர்தல் வாக்குறுதிகளில் ஒன்றாக இருந்து வருகிறது. இதற்காக, "ஒரே நாடு, ஒரே தேர்தல்" குறித்து ஆராய, முன்னாள் ஐனாதுபதி ராம்நாத் கோவிந்த் தலைமையில் கடந்த 2ம் தேதி உயர்மட்ட குழு அமைக்கப்பட்டது. ஒன்றிய உள்துறை அமைச்சர் அமித் ஷா உள்ளிட்டோர் அடங்கிய இக் குழு, தேசிய மற்றும் மாநில கட்சிகளின் பிரதிநிதிகள், சட்ட நிபுணர்கள், பொதுமக்கள் என பல்வேறு தரப்பினரிடம் இருந்தும் ஆலோசனைகளை பெற்றது. 191 நாட்கள் இதற்கான பணிகளை மேற்கொண்ட குழு, அதன் அடிப்படையில் தயாரிக்கப்பட்ட 18,626 பக்கங்கள் கொண்ட அறிக்கையை ஜனாதிபதி திரு பத்மி முர்முவிடம் கடந்த மார்ச்சில் சமர்ப்பித்தது.