செங்கல்பட்டு மாவட்டத்தில் பிஎம் கிசான் நிதி 76 ஆயிரம் நிறுத்தப்பட்ட விவசாயிகள் கவலை

செங்கல்பட்டு மாவட்டத்தில் ஒருசில காரணங்களால் பிஎம் கிசான் நிதி 6 ஆயிரம் நிறுத்தப்பட்ட விவசாயிகள் கவலை அடைந்துள்ளனர். எனவே, நிதி மீண்டும் கிடைக்க கலெக்டர் நடவடிக்கை எடுக்க வேண்டும் என பாதிக்கப்பட்ட விவசாயிகள் கோரிக்கை வைத்துள்ளனர்.

விவசாயத் தொழிலில் பெரிதும் லாபம் இல்லை என்றாலும் அவர்களுக்கு வேறு தொழில் தெரியாத காரணத்தினால் தொடர்ந்து விவசாய தொழிலிலேயே ஈடுபட்டு வருகின்றனர். இதை அறிந்த ஒன்றிய, மாநில அரசுகள் விவசாயிகளுக்கு பல்வேறு உதவிகளை செய்து வருகிறது. இதன் ஒரு பகுதியாக ஒன்றிய அரசின் பிரதான் மந்திரிகிசான் சம்மன் யோஜானா (பி.எம்.கிசான் யேஜனா) எனும் திட்டத்தின் கீழ் விவசாயிகளுக்கு ஆண்டுக்கு 76000 உதவித்தொகை வழங்கி வந்தது.

இந்த தொகையானது நான்கு மாதத்திற்கு ஒரு முறை 12000 எனும் வகையில் ஆண்டிற்கு மூன்று முறை வழங்கப்பட்டு அவரவர் வங்கிகணக்கில் நேரடியாக செலுத்தப்பட்டு வந்தது. இந்த திட்டம் விவசாயிகளுக்கு ஓரளவு பயன் அளிக்கும் வகையில் இருந்து வந்தது. இதில், கடந்த ஒரு ஆண்டிற்கு முன்பு சில இடங்களில் இந்த திட்டத்தில் ஒருசில முறைகேடுகள் நடந்துள்ளதாக தெரிவிக்கப்பட்டது. இதைத்தொ டர்ந்து, நிலத்தின் பட்டாதாரர் உயிருடன் இருந்தால் மட்டுமே உதவித்தொகை வழங்கப்படும் என ஒன்றிய அரசால் அதிகாரிகளுக்கு தெரிவிக்கப்பட்டுள்ளதாக கூறப்படுகிறது.