55 ஆயிரத்திற்கு அதிகமானோர் ஆன்லைனில் முன்பதிவு சபரிமலையில் கட்டுக்கடங்காத கூட்டம்

தரிசனத்திற்கு 6 மணிநேரத்திற்கும் மேல் காத்திருப்பு

சபரிமலையில் பக்தர்கள் வருகை அதிகரித்துள்ளதால் கடந்த இரு தினங்களாக 6 மணிநேரத்திற்கும் மேல், வரிசையில் காத்திருந்து பக்தர்கள் தரிசனம் செய்து வருகின்றனர். ஐப்பசி மாத பூஜைகளுக்காக சபரிமலை ஐயப்பன் கோயில் நடை கடந்த 16ம் தேதி மாலை திறக்கப்பட்டது. நாளை (21ம் தேதி) இரவு வரை கோயில் நடை திறந்திருக்கும். வழக்கமாக மண்டல, மகரவிளக்கு காலங்களில் தான் சபரிமலையில் பக்தர்கள் வருகை கட்டுக்கடங்காமல் இருக்கும். மாத பூஜைகளின்போது பக்தர்கள் குறைவாகவே வருவார்கள்.