வங்கக் கடலில் நாளை மறுநாள் உருவாகிறது டானா புயல்

வட தமிழகத்தில் மழை பெய்யும்

வங்கக் கடலில் நாளை மறுநாள் புயல் உருவாகும். அதன் காரணமாக வட தமிழகத்தில் அனேக இடங்களில் மழை பெய்யும் என்று சென்னை வானிலை ஆய்வு மையம் தெரிவித்துள்ளது. தமிழகத்தில் வட கிழக்கு பருமவழை பெய்யத் தொடங்கியுள்ளதை அடுத்து, கடந்த வாரம் கடலோர மாவட்டங்களில் பலத்த மழை பெய்தது. அதற்கு காரணமாக இருந்த காற்றழுத்த தாழ்வு மண்டலம் மேற்கு திசையில் நகர்ந்து கரையைக் கடந்ததால், மழை பெய்வதும் குறையத் தொடங்கியது.