ஹாட்ரிக் வெற்றியுடன் ஒயிட்வாஷ் நியூசிலாந்து வரலாற்று சாதனை

இந்திய அணியுடன் நடந்த 3வது மற்றும் கடைசி டெஸ்டில், 25 ரன் வித்தியாசத்தில் போராடி வென்ற நியூசிலாந்து அணி 3-0 என்ற கணக்கில் தொடரை முழுமையாகக் கைப்பற்றி வரலாற்று சாதனை படைத்தது.

இந்தியாவில் சுற்றுப்பயணம் மேற்கொண்டுள்ள நியூசிலாந்து அணி மொத்தம் 3 போட்டிகள் கொண்ட டெஸ்ட் தொடரில் விளையாடியது. பெங்களூரு, புனேவில் நடந்த முதல் 2 போட்டியிலும் அபாரமாக வென்ற நியூசிலாந்து 2-0 என முன்னிலை பெற்றது. தொடரையும் கைப்பற்றி அசத்தியது.

இந்த நிலையில், 3வது மற்றும் கடைசி டெஸ்ட் மும்பை வாங் கடே மைதானத்தில் நவ.1ம் தேதி தொடங்கியது. முதல் இன்னிங்சில் நியூசிலாந்து 235 ரன், இந்தியா 263 ரன் எடுத்தது. 28 ரன் பின்தங்கிய நிலையில் 2வது இன்னிங்சை விளையாடிய நியூசிலாந்து, 2ம் நாள் முடிவில் 9 விக்கெட் இழப்புக்கு 171 ரன் எடுத்திருந்தது.