சென்னை மாநகராட்சியில் 103 படகுகள், 426 மோட்டாருடன் டிராக்டர்கள் தயார்

22 ஆயிரம் பணியாளர்களுடன் பணிபுரிய 18,500 தன்னார்வலர்களும் பெயர் பதிவு

சென்னை மாநகராட்சியில் வடகிழக்கு பருவமழையை எதிர்கொள்ள வெள்ள மீட்பு பணிக்காக 22 ஆயிரம் பணியாளர்கள் தயார் நிலையில் உள்ளனர். இதற்காக 103 படகுகள் மற்றும் 426 மோட்டாருடன் கூடிய டிராக்டர்கள் தயாராக உள்ளதாக அமைச்சர் கே.என்.நேரு தெரிவித்துள்ளார்.

தமிழ்நாட்டில் வடகிழக்கு பருவமழை தீவிரமடைந்து வரும் நிலையில், சென்னையில் நேற்று பல்வேறு இடங்களில் அமைச்சர் கே.என்.நேரு ஆய்வு செய்தார். அந்த வகையில் ஓட்டேரி நல்லான் கால்வாய், அம்பேத்கர் பாலம், பேசின் பிரிட்ஜ், விருகம்பாக்கம் கால்வாய் உள்ளிட்ட பகுதிகளில் மேற்கொள்ளப்பட்டு வரும் பணிகளை அவர் ஆய்வு செய்தார்.

அவருடன் சென்னை மாநகராட்சி துணைமேயர் மகேஷ்குமார், ஆணையர் குமரகுருபன், வடசென்னை எம்பி கலாநிதி வீராசாமி, தாயகம் கவி எம்எல்ஏ மற்றும் அரசு உயர் அதிகாரிகள் பலர் சென்றனர்.