சபரிமலையில் புதிய சர்ச்சை 18ம் படி மீது அமர்ந்து போலீசார் குரூப் போட்டோ

சபரிமலை ஐயப்பன் கோயிலில் 18ம் படி மீது அமர்ந்து போலீசார் குரூப் போட்டோ எடுத்த விவகாரம் சர்ச்சையை ஏற்படுத்தியுள்ளது. இது தொடர்பாக விசாரணை நடத்த சன்னிதானம் எஸ்பிக்கு ஏடிஜிபி ஸ்ரீஜித் உத்தரவிட்டுள்ளார்.

சபரிமலை ஐயப்பன் கோயிலில் உள்ள 18ம் படியை பக்தர்கள் மிகவும் புனிதமாக கருதுகின்றனர். கடும் விரதம் இருந்து இருமுடி கட்டி வரும் பக்தர்கள் மட்டுமே இந்த 18ம் படியில் ஏற முடியும். அதுவும் கீழிருந்து மேல் நோக்கிதான் ஏற முடியும். மேலிருந்து கீழாக இறங்குவதற்கு தந்திரி, மேல்சாந்தி மற்றும் பந்தளம் மன்னரின் பிரதிநிதிகள் ஆகியோருக்கு மட்டுமே அனுமதி உள்ளது.