இஸ்கான் அமைப்பை தடை செய்ய வங்கதேச உயர்நீதிமன்றம் மறுப்பு

வங்கதேசத்தில் இஸ்கான் அமைப்பை தடை செய்வதற்கு உயர்நீதிமன்றம் மறுத்து விட்டது.

வங்கதேசத்தில் இஸ்கான் அமைப்பில் உறுப்பினராக இருந்த சின்மோய் கிருஷ்ணா தாஸ் கடந்த சில நாட்களுக்கு முன் அமைப்பில் இருந்து வெளியேற்றப்பட்டார். ஆனால் சம்மிலிதா சனாதானி ஜோட் என்ற இந்து அமைப்பின் செய்தி தொடர்பாளராக அவர் தொடர்ந்து வருகின்றார். இந்நிலையில் இந்து மத ஊர்வலத்தின்போது அந்த நாட்டின் கொடி அவமதிக்கப்பட்ட குற்றச்சாட்டில் சின்மோயை போலீசார் கைது செய்து சிறையில் அடைத்தனர்.

அவருக்கு ஜாமீன் மறுக்கப்பட்டதால் அவரது ஆதரவாளர்கள் போராட்டங்களில் ஈடுபட்டனர். இந்த போராட்டத்தின் போது நடந்த தாக்குதலில் வழக்கறிஞர் ஒருவர் கொல்லப்பட்டார். இது தொடர்பாக 30க்கும் மேற்பட்டோர் கைது செய்யப்பட்டுள்ளனர்.