செங்கல்பட்டு மாவட்டத்தில் குப்பை கழிவுகளால் செயலிழந்த திடக்கழிவு மேலாண்மை திட்டம்

செங்கல் பட்டு மாவட்டத்தில் தினசரி சேரும் குப்பை கழிவுகளால், திடக்கழிவு மேலாண்மை திட்டம் செயலிழந்துள்ளது.

இதனால், குப்பைகளை அகற்ற முடியாமல் உள்ளாட்சி நிர்வாகங்கள் அவதிக்குள்ளாகி வருகின்றனர்.

சுகாதாரத்தை பேணும் சிறிய நாடுகளானும் சரி, பெரிய நாடுகளின் நகரங்களானும் சரி, குப்பைகளை அகற்றுவதில் இன்னும் சிரமமே படுகின்றனர் என்பது தெளிவு. இந்தியா போன்ற விழிப்புணர்வு அற்ற நாடுகளில் குப்பைகளை அகற்ற அந்தந்த உள்ளாட்சி நிர்வாகங்கள் எவ்வளவுதான் செலவழித்தாலும் அதில் வெற்றிகாண முடியவில்லை. தமிழ்நாடு போன்ற முன்னேறிய மாநிலங்களில் ஒருசில மாவட்டங்களில் மட்டும் திடக்கழிவு மேலாண்மை திட்டம் வெற்றி பெற்றுள்ளது. பல்வேறு மாவட்டங்களில் பெயருக்கு மட்டுமே தடைபெறும் இந்த திட்டம் பொதுமக்களின் போதிய ஒத்துமைப்பின்மை, பணியாளர்களிடம் இல்லாதபோதிய விழிப்புணர்வு ஆகியவற்றின் காரணமாக வெற்றி பெறாத நிலை ஏற்பட்டுள்ளது.

குறிப்பாக, செங்கல்பட்டு மாவட்டத்தில் தாம்பரம் மாநகராட்சி, செங்கல்பட்டு, மதுராந்தகம், கூடுவாஞ்சேரி, மறைமலைநகர் ஆகிய 4 நகராட்சிகள், திருப்போரூர், மாமல்லபுரம், திருக்கழுக்குன்றம், கருங்குழி, அச்சிறுபாகம், இடைக்கழிநாடு ஆகிய 5 பேரூராட்சிகளும், திருப்போரூர், திருக்கழுக்குன்றம், மதுராந்தகம், அச்சிறுபாக்கம், லத்தூர், காட்டாங்குளத்தூர், புனித தோமையார்மலை, சித்தாமூர் ஆகிய 8 ஒன்றியங்கள் உள்ளன.