கலங்கல் பகுதியில் குளித்தபோது மாயமான மாணவனை 2வது நாளாக தேடும் பணி தீவிரம்

மதுராந்தகம் கலங்கல் பகுதியில் குளித்தபோது மாயமான மாணவனை நேற்று 2வது நாளாக தேடும் பணிகள் தீவிரமாக நடந்தது.

வெள்ளத்தில் மூழ்கிய மாணவனை தேடியும் கிடைக்காததால் 2வது நாளாக அப்பகுதி கிராமத்தினர் சோகத்தில் மூழ்கினர்.

மதுராந்தகம் அடுத்த கருங்குழி மலைப்பாளையம் பகுதியை சேர்ந்தவர் பழனி, இவருடைய மகன் புவனேஷ் (16). இவர், நேற்று முன்தினம் மதுராந்தகம் ஏரியில் இருந்து உபரிநீர் போக்கி பகுதியான கலங்கல் நீரில் 5 மாணவர்களுடன் குளித்தார். அப்போது, புவனேஷ் பள்ளி மாணவன் மட்டும் நீரில் மூழ்கி மாயமானார்.