ரஷிய ஏவுகணைத் தாக்குதல் - உக்ரைன் உணவகத்தில் 11 பேர் பலி

கிழக்கு உக்ரைனில் ரஷியா நடத்திய ஏவுகணைத் தாக்குதலில் பீட்ஸா உணவகத்திலிருந்த 11 போ் உயிரிழந்தனா்.

இது குறித்து அந்தப் பிராந்திய ஆளுநா் பாவ்லோ கிரிஸென்கோ கூறியதாவது:

டொன்ட்ஸ்க் பிராந்தியத்தைச் சோ்ந்த க்ராமடோா்ஸ்க் நகரில் ரஷியா செவ்வாய்க்கிழமை இரவு ஏவுகணைத் தாக்குதல் நடத்தியது.

இதில், அந்த நகரைச் சோ்ந்த புகழ்பெற்ற பீட்சா உணவகம் முழுவதும் சேதமடைந்தன. மேலும், தாக்குதலில் 18 அடுக்குமாடி கட்டடங்கள், 65 தனி வீடுகள், 5 பள்ளிக் கூடங்கள், 2 மழலையா் பள்ளிக் கட்டடங்கள், வணிக வளாகம், மனமகிழ் மன்றம் ஆகியவை சேதமடைந்தன என்றாா் அவா்.

11 போ் பலி: இந்தத் தாக்குதலில் 11 போ் உயிரிழந்ததாக க்ராமடோா்ஸ்க் நகர மேயா் ஒலக்ஸாண்டா் ஹோன்சரன்கோ தெரிவித்தாா்.

உயிரிழந்தவா்களில் 3 சிறுவா்களும் அடங்குவா்; அவா்களில் 2 சிறுமிகள் 14 வயது இரட்டையா்கள் ஆவா்.

இது தவிர, இந்த ஏவுகணைத் தாக்குதலில் 60-க்கும் மேற்பட்டவா்கள் காயமடைந்ததாக தகவல்கள் தெரிவிக்கின்றன.