தேனி எம்.பி.ரவீந்திரநாத் வெற்றி செல்லாது: சென்னை உயர்நீதிமன்றம் தீர்ப்பு

தேனி மக்களவைத் தொகுதி உறுப்பினா் ப.ரவீந்திரநாத்தின் தோ்தல் வெற்றி செல்லாது என சென்னை உயா்நீதிமன்றம் தீா்ப்பளித்தது.

சென்னை ஜூலை 6: முன்னாள் முதல்வர் ஓ.பன்னீர் செல்வத்தின் மகனான ப.ரவீந்திரநாத் தனது சொத்து, கடன், வருமானம் ஆகியவற்றை மறைத்தது நிரூபிக்கப்பட்டுள்ளதால், அவரது வேட்புமனுவை ஏற்றது முறையற்றது என்று கூறி, இந்த உத்தரவை உயர்நீதிமன்றம் பிறப்பித்தது.

2019, மக்களவைத் தேர்தலில் தேனி தொகுதியில் அதிமுக சார்பில் போட்டியிட்டரவீந்திரநாத், அவரை எதிர்த்துப் போட்டியிட்ட திமுக கூட்டணி காங்கிரஸ் வேட்பாளர் ஈ.வி.கே.எஸ்.இளங்கோவனைவிட 76,693 வாக்குகள் வித்தியாசத்தில் வெற்றி பெற்றார்.

‘அவரது வேட்புமனுவில் சொத்து விவரங்கள் உள்ளிட்ட பல்வேறு தகவல்களை மறைத்துள்ளாா். எனவே, தேனி தொகுதியில் அவா் வெற்றி பெற்றதை செல்லாது என அறிவிக்க வேண்டும்’ எனக் கோரி தேனி தொகுதி வாக்காளரான மிலானி என்பவா், சென்னை உயா்நீதிமன்றத்தில் வழக்கு தொடுத்தாா்.

அந்த மனுவில், ‘வாக்காளா்களுக்கு பணம் கொடுத்து தோ்தலில் ரவீந்திரநாத் வெற்றி பெற்றுள்ளாா். பணப் பட்டுவாடா புகாரின்பேரில், வேலூா் தொகுதி தோ்தல் தள்ளிவைக்கப்பட்ட நிலையில், தேனி தொகுதியிலும் அதிக பணப் பட்டுவாடா நடந்தும், தோ்தல் தள்ளிவைக்கப்படவில்லை’ என்று கூறியிருந்தாா்.