தில்லியில் இன்று பாஜக கூட்டணி கூட்டம்: 38 கட்சிகள் பங்கேற்பு

புது தில்லி, ஜூலை 17: பாஜக தலைமையிலான ஆளும் தேசிய ஜனநாயக கூட்டணி கட்சிகளின் கூட்டம், தில்லியில் செவ்வாய்க்கிழமை (ஜூலை 18) நடைபெறவுள்ளது

இதில் 38 கட்சிகள் பங்கேற்கவிருப்பதாக பாஜக தேசியத் தலைவர் ஜெ.பி.நட்டா திங்கள்கிழமை தெரிவித்தார்.

2024 மக்களவைத் தேர்தலுக்கு ஆளும்தரப்பும் எதிர்தரப்பும் ஆயத்தமாகி வரும் நிலையில், ஆளும் கூட்டணி பலத்தை பிரதிபலிப்பதாக இக்கூட்டம் கருதப்படுகிறது.

கர்நாடக மாநிலம், பெங்களூரில் எதிர்க்கட்சிகளின் முக்கிய ஆலோசனைக் கூட்டம் செவ்வாய்க்கிழமை நடத்தப்படும் நிலையில், அதே  நாளில் பாஜக கூட்டணிக் கூட்டமும் நடைபெறுவது அரசியல் அரங்கில் எதிர்பார்ப்பை அதிகரித்துள்ளது.

இந்நிலையில், தில்லியில் செய்தியாளர்களிடம் திங்கள்கிழமை பேசிய ஜெ.பி.நட்டா, 'தேசிய ஜனநாயக கூட்டணியின் கூட்டத்தில் பங்கேற்பதை 38 கட்சிகளின் தலை வர்கள் உறுதி செய்துள்ளனர்.

கடந்த 9 ஆண்டுகளில் தேசிய ஜனநாயக கூட்டணியின் எல்லையும் நோக்கமும் விரிவடைந்துள்ளன. பிரதமர் நரேந்திர மோடி தலைமையிலான அரசின் நலத்திட்டங்கள் மற்றும் கொள்கைகளின் நேர் மறை தாக்கங்களால் தேசிய ஜனநாயக கூட்டணி கட்சிகள் பெரும் உற்சாகத்தில் உள்ளன' என்றார்.